Popular Bible Verses from APOCALIPSIS 5

Share

Bix e xiꞌ cybitzen jun acꞌaj bitz. E xiꞌ cykbaꞌn cyjulu: “At toclena tuꞌn ttzaj ttzyuꞌna libro bix tuꞌn tel tiiꞌna ke ẍipbelte tiꞌj, cuma e cub byeta, bix tuꞌn ttz̈ꞌquela el tz̈itj tiꞌja tej tcyima, ma txiꞌ tchjoꞌna te Dios jchojbilte tuꞌn cyten xjal tuya Dios, kej xjal te cykilca wik tiyꞌjil xjal bix te cykilca wik yol bix te cykilca wik xeꞌchel bix te cykilca tnom.

Bix e xiꞌ cykbaꞌn tuya jun cyyol cyiwxix: “At toclen Tal Carnela e cub byet tuꞌn tiikꞌente tipemal, tuꞌn toc te jun kꞌina, tuꞌn tiikꞌente tnaabl, tuꞌn toc te jawnex, tuꞌn tiikꞌente nimbil, tuꞌn tjaw nimset tbi, bix tuꞌn tiikꞌente cyꞌiwlabl,” tz̈i ke ángel.

Ma tzꞌoc tkꞌoꞌna cyoclen tuꞌn cycawen bix tuꞌn cyajben te Kman Dios, bix chi cawel tibaj twitz txꞌotxꞌ,” tz̈i bitz, tz̈i ke cyaja wik cyuyax winakcyaja tij.

Bix e xiꞌ nbiꞌna cyyol cykilca xjal e bint tuꞌn Dios. Cykilca at tuj cyaꞌj bix twitz txꞌotxꞌ bix tjakꞌ txꞌotxꞌ bix tuj mar e xiꞌ cykbaꞌn cyjulu: “Te Dios tuj tkꞌukbil bix te Tal Carnel, xiꞌ kꞌoꞌnxit cyꞌiwlabl, nimbil, bix tuꞌn tjaw nimset cybi, bix tuꞌn cycawen te junx maj,” tz̈i ke cykilca wik xjal e cub tbinchaꞌn Dios.

Cyxol tzunj winakcyaja tij, e tzaj tkbꞌan jun weya: —Miꞌn tzꞌookꞌa, cuma at jun xjal at toclen tuꞌn tel tiiꞌn jwuuk ẍipbelte bix tuꞌn tel tjkoꞌn j-uꞌja, ja tzunj xjal León Tiyꞌjil Judá bix T-xeꞌchel Jrey David. Ma xcye tiꞌj taaw il, bix juꞌ tzunj, at toclen tuꞌn tjkonte libro lu―tz̈i tij.