Popular Bible Verses from APOCALIPSIS 12

Share

E cub tiꞌj taaw il cyuꞌn tuꞌnj ttz̈qꞌuel Tal Carnel tej tcyim bix tuꞌnj cyyol ka junx eteꞌ tuya Tal Carnel. Min e cyaj cykꞌoꞌn cyocslabl tiꞌj, amale e cyimetke tuꞌn.

Bix e xiꞌ nbiꞌna jun cyiwxix tkꞌajkꞌajel tuj cyaꞌj. E xiꞌ tkbaꞌn: —Jaꞌlewe ma pon tumel tuꞌn ttzaj tyeecꞌan Kdios tcolbil bix tipemal bix tcawbil bix tcawbil Jscyꞌoꞌn tuꞌn, cuma ma tzꞌex xooꞌn taaw il. Te kꞌij bix te koniyan min e weꞌ yol tuꞌn tyolen kaꞌ cyiꞌj ocslal twitz Kdios.

Etz xooꞌn jnintzaj jil dragón, jlbaj te ootxa, jtaaw il Satanás tbi nsbun cykilca xjal twitz txꞌotxꞌ. E cuꞌtz xooꞌn twitz txꞌotxꞌ cyuyax ke tbiman.

Cuma ma tzꞌex xooꞌn taaw il, juꞌ tzunj, chi tzalaja ejeeꞌy najl tuj cyaꞌj. Pero ay xsunkej xjal najl twitz txꞌotxꞌ, cuma ma cuꞌx taaw il cyuya. Nimxsen tkꞌoj, cuma n-el niyꞌ tiꞌj yaaꞌn nim kꞌij tuꞌn ttentl tuꞌn tkꞌojl cyiꞌj ocslal―tz̈i kej eteꞌ tuj cyaꞌj.

Tbajlenxitltzen jlu, oc jun kꞌoj twitz cyaꞌj. Jjawnex ángel Miguel cyuyax ke t-ángel e kꞌoj tiꞌj jil dragón. Jax juꞌx e kꞌoj dragón cyuyax tbiman cyiꞌ Miguel.

Juꞌ tzunj, e tzaj nimxix tkꞌoj dragón tiꞌj xuuj, bix e xiꞌ kꞌojlel cyiꞌj niyꞌtl tal xuuj, kej n-oc cybiꞌn tley Dios bix kej ncheꞌx lpe tiꞌj jaxxix tyol Jesús.

Bix e tzaj jlet jun jawnex techel twitz cyaꞌj. At jun xuuj toc kꞌij tiꞌj tisen jun xbalen, bix tcub xjaw tjakꞌ tken. Tjax jun corona tuj twiꞌ, bix toc cablaaj cheꞌw tiꞌj tcorona. At tal tuj tcꞌuꞌj, bix e jaw s̈iꞌn tuꞌn tchyonel tal, cuma tuꞌn talen.

Bix ul itzꞌj jun talxuj xinak. Ja talxuj tuꞌn tcawen tibaj cykilca tnom twitz txꞌotxꞌ tuya nim tipemal, tisenj jun xinj cylel ncylenxin cyiꞌ carnel tuya jun bardón cyiw. Bix e jaw kꞌiꞌn talxuj tuꞌn Dios bix e ponxin tuj jawnex tkꞌukbilxin. Yaltzen te xuuj, el ok tuj jun lugar yaaꞌn nimxix xjal tuj, jatztzen taꞌ jun tnajbilxuj otk bint tuꞌn Dios, tuꞌntzen titzꞌjxuj tuj ja lugar lu jun mil kꞌij tuya caꞌba syent tuya oxcꞌal.

Bix e tzaj jlet juntl techel twitz cyaꞌj. At jun nintzaj jil, dragón tbi. Cyak tiꞌj, bix at wuuk twiꞌ bix laaj tcache. Bix tjax juun tcorona tuj juun twiꞌ. Tuꞌn tjeeꞌ etz tmsoꞌn toxen tkiyꞌ cheꞌw twitz cyaꞌj bix e cuꞌtz t-xooꞌn twitz txꞌotxꞌ. Bix e cub weꞌ dragón twitzj xuuj at tuꞌn talen, tuꞌntzen t-xiꞌ tchyoꞌn tal jxuuj oj tul itzꞌj.

Bix oc kꞌoꞌn tiꞌ xuuj caꞌba t-xiicyꞌ ikel eyꞌ, tuꞌntzen tel purpan twitz lbaj. E pon purpan tuj lugar min-al xjal najl tuj, jatztzen e takꞌ Dios tlugar, tuꞌntzen titzꞌj oxe jnabkꞌi tuya niyꞌjan. Jatzen te lbaj, etz t-xupan aꞌ tuj ttzi tisen jun nimaꞌ. E xiꞌ t-xupan aꞌ tiꞌj xuuj tuꞌn t-xiꞌ iken xuuj tuꞌn aꞌ. Pero e tzaj tonen txꞌotxꞌ ja xuuj. El cꞌabch txꞌotxꞌ, bix e xiꞌ tcꞌaꞌn txꞌotxꞌ aꞌ e jatz tuj ttzi dragón.