Popular Bible Verses from APOCALIPSIS 11

Share

Tejtzen toc t-xuxen twuukan ángel, e jaw jun cyiwxix tkꞌajkꞌajel cywiꞌ kej eteꞌ tuj cyaꞌj. E xiꞌ cykbaꞌn: —Ma pon tumel tuꞌn cyoc kej tnom eteꞌ twitz txꞌotx tjakꞌ tcawbil Kman Dios bix tcawbil Jscyꞌoꞌn tuꞌnxin. Bix ccawel te junx maj―tz̈ike.

Nejl, e jaw cykꞌoj xjal tiꞌja, pero jaꞌlewe, ma pon tumel tuꞌn tjaw tkꞌoja cyiꞌj. Ma pon tumel tuꞌn ttzaj tkꞌoꞌna cycastiwa kej xjal ma chi cyim, bix tuꞌn ttzaj tkꞌoꞌna cotz cyej t-akꞌanala, bix kej tyolela, bix cykilca ocslal bix cykilca xjal nchi niman tbiy, jawnexleke, chꞌinleke. Bix ma pon tumel tuꞌna tuꞌn cyxiꞌ tuj il kej xjal e cybincha kaꞌ tiꞌj twitz txꞌotxꞌ―tz̈i ke tij.

Bix cxeꞌl nkꞌoꞌna wipemala cyej caꞌba nyolela, bix cxeꞌl cykꞌumen jnyola jun mil tuya caꞌba syent tuya oxcꞌal kꞌij. Bix toc cyxbalen te bisbajil―tz̈i Dios.

Pero oj tbaj oxe kꞌij tuya niyꞌjan, ctzaal tkꞌoꞌn Dios cyxewxin, bix chi jawel itzꞌjxin, bix nimxsen ctzaal cytz̈ixin cyiꞌj xjal n-oc cycyeꞌyen ejeeꞌxin.

At cyipemal caꞌba tyolel Dios lu tibaj twitz cyaꞌj tuꞌn miꞌn ttzaj jbal cyuj kꞌij nchi kꞌumen tyol Dios. Bix at cyipemal cyibaj nimaꞌ bix mar tuꞌn cyoc te tz̈iyꞌ, bix tuꞌn cyqꞌuixbisante twitz txꞌotxꞌ, bix tibaj cykilca xitbil, nuk jteꞌxja maj cyaj.

Kej caꞌba tyolel Dios lu, jatzen kej caꞌba tzeeꞌ olivo bix kej caꞌba cantil waꞌlke twitz Taaw twitz txꞌotxꞌ. Ka at jun xjal taj tzꞌoc ipan cyiꞌj, qꞌueletz kꞌakꞌ tuj cytzi tuꞌn tcub tzꞌeyꞌ. Alcye kej xjal cyaj tzꞌoc ipan cyiꞌj, il tiꞌj chi cymel tuꞌn kꞌakꞌ n-etz tuj cytzi.