Popular Bible Verses from APOCALIPSIS 13

Share

Cꞌoquel cycꞌuꞌja tiꞌj jlu. Alcyekej at cynaabl, chi ximanx tiꞌj alcyej tajlal tzin techlaꞌn jil. Jtajlal tzin techlaꞌn jil, jatzenj tajlal tzin techlaꞌn jun xjal, jatzen tajlal wukak syent tuya oxcꞌal tuya wukak.

Bix cykilca xjal twitz txꞌotxꞌ cjawel cynimsaꞌn jajil, kej yaaꞌn tzꞌiꞌben cybi tuj uꞌj te chunkꞌlal jatxe tbintlen twitz txꞌotxꞌ, jatxetzen tcub ttzꞌiꞌben Dios cybi kej xjal at tuꞌn cyclet tuꞌnj tcyimlen Jtal Carnel.

Bix e tkba jil tcab tuꞌn toc jun techel tiꞌj cymankꞌab bix ka tiꞌj tibaj cywitz cykil xjal. Ajnintzleke, jawnexleke, kꞌinaleke, mebeleke, tzakpiꞌnleke, akꞌanal-leke, cykilca il tiꞌj cꞌoquel jun techel cyiꞌj. E tkbajil tuꞌn miꞌn cylokꞌon xjal bix tuꞌn miꞌn cyqꞌueyen ka min ma tzꞌoc techel jil tneel cyiꞌj. Jatzen techel tbijil, jatzen tajlal tbijil.

Alcyej ocslal ma kꞌumj cyiꞌj tuꞌn cyocx tuj tzeeꞌ, il tiꞌj chi oquex tuj tzeeꞌ. Bix alcyej ocslal ma kꞌumj cyiꞌj tuꞌn cycub byet tuꞌn espada, il tiꞌj tuꞌn cycub byet tuꞌn espada. Juꞌ tzunj, il tiꞌj tuꞌn cyten ocslal cyiw tuj cyocslabl bix tuꞌn tten cypasensya.

Yajcꞌatltzen bix in cub weꞌya tibaj ttxa tzꞌaꞌn ttziiꞌ mar, bix e wila jun kaꞌxsen jil njatz tuj mar. At laaj tcache bix wuuk twiꞌ. Tjax juun corona twiꞌ jaca juun tcache. Bix tzꞌiꞌbec yasbil te Dios tiꞌ juun twiꞌ.

E kꞌoj tejil tuꞌn tkꞌojjil cyiꞌj ocslal bix tuꞌn tcub cyiꞌj tuꞌnjil. Bix e kꞌoj toclenjil te tuꞌn tcawenjil tibaj cykilca wik tiyꞌjil xjal bix cykilca wik xeꞌchel bix cykilca wik yol bix cykilca tnom.

Cyuꞌnj techel lu nkꞌoj tejil tuꞌn tbint tuꞌnjil twitz jil tneel, nsbunjil cye xjal najl twitz txꞌotxꞌ. Nxiꞌ tkbaꞌnjil cye xjal tuꞌn tcub cybinchaꞌn jun tsant jil tneel e tiikꞌ jun is̈jnin tuꞌn tcyim tuꞌn jun espada pero e cyaj itzꞌj. Bix e kꞌoj tipemal jil tcab tuꞌn tocx tkꞌoꞌn t-xew tsant jil tneel, tuꞌntzen tbint tyolen tsant. Bix e tkba tsant tuꞌn tcub tbyet ejeeꞌj xjal min e jaw cynimsaꞌn tsant.

Tcyeꞌncjil tisen jun tiire. Tkenjil tisen tken jun oso, bix ttzijil tisen ttzi jun león. Bix e xiꞌ tkꞌoꞌn dragón nim tipemaljil bix tajwaleljil tuꞌn tcawenjil.

Bix e kꞌoj tejil jun tnaabljil tuꞌn tjaw niman tiibjil bix tuꞌn tyasenjil tiꞌj Dios, bix tuꞌn tcawenjil cyaꞌwnak xjaw tuya caꞌba.

Bix e wila jun twiꞌjil tisencꞌa otk tiikꞌ jun is̈jnin tuꞌn tcyimjil. Pero e kꞌanj twiꞌjil. Juꞌ tzunj, cykilca xjal twitz txꞌotxꞌ e jaw kleeꞌke tiꞌjjil, bix oc lpeke tiꞌjjil.

Tbajlenxitltzen jlu, e wila juntl jil njatz twitz txꞌotxꞌ. At caꞌba tcachejil tisen tcache jun tal carnel, pero e yolenjil tisen junjil dragón. Junx taꞌ tipemaljil tuyaj jil tneel, bix najbenjil te tyoleljil tneel. Taakꞌenjil tcab tuꞌn tbinchantejil tuꞌn tjaw cynimsaꞌn cykilca xjal najl twitz txꞌotxꞌ ja jil tneel e tiikꞌ jun jawnex is̈jnin tuꞌn tcyim pero e kꞌanj.