Popular Bible Verses from APOCALIPSIS 10

Share

Oj toc t-xuxen twuukan ángel xux, at tuꞌn tchicꞌajax jma cub tnincꞌuꞌn Dios jatxe tuj tneel, tisen e tkꞌume cye tyolel―tz̈i jawnex tsanjel Dios tuj cyaꞌj.

Bix e tzaj tkbaꞌn weya: —At mastl tuꞌn t-xiꞌ tkꞌumena cye nim wik xjal bix tnom bix yol bix cawel―tz̈i ángel weya.

Bix e wila juntl jawnex tsanjel Dios tuj cyaꞌj. Nimxsen tipemal, bix e cuꞌtz tuj cyaꞌj tuj muj. Bix tjax arc tuj twiꞌ, bix ntxakakan twitz tisen tken kꞌij. Jatzen ke tken tisen tken kꞌakꞌ.

Juꞌ tzunj, in pon lkꞌeya tiꞌj ángel, bix e xiꞌ nkanena te tuꞌn ttzaj tkꞌoꞌn jneeꞌ chꞌin uꞌj weya. Bix e tzaj tkbaꞌn ángel weya: —Kꞌiiꞌnxa, bix waaꞌnxa. Cꞌa cꞌoquel tuj tcꞌuꞌja, pero jatzen tuj ttziy, tisen taꞌl xiiꞌ―tz̈i ángel. Bix e tzaj wiiꞌna jneeꞌ chꞌin uꞌj tuj tkꞌab ángel, bix e xiꞌ nwaaꞌna. Bix tz̈iꞌ eꞌla uꞌja tuj ntziya tisen taꞌl xiiꞌ. Pero tej tcuꞌx tuj ncꞌuꞌja, e jawxsen qꞌueybe tuj ncꞌuꞌja.