Popular Bible Verses from kuluuzi 3

Share

na eti ummaḏizi rugwor-na wuɽe-wuɽeny, na mer gi eḏi kwere wəŋ ta, eṯir zi iɽinyaḏizi-na wuɽe-wuɽeny; kaka iɽinyacaŋazi gwu Kwruztu lu ta, eṯi zi ṯa iɽinyaca lu liḏaḏu ṯaŋwu tɔk.

kitari ṯireca ṯalu yey lu kwɔmne-na kweṯinanni kilerena; eṯere ireci kwɔmne yey lu kweḏi ṯurmun mac.

ŋete nyiḏak ŋeṯizerri, eṯizerri rugwor ri minmin, ləkiza Kwelenyi ŋɔḏɽor ŋundu, liti ləkiza lizi ŋɔḏɽor mac

ŋaŋa, a leni kla limezi Allah ecena, lirlinelu ter, lamɽaŋw zi beṯen, taŋwu kinnari ṯiyaḏiza rugwor-na, na ṯimeciḏizena tɔk, na ṯejilina ki rɔgwɽɔ, na rugwori riḏi jiɽem, na ṯindinyana ṯurfa nana tɔk

eṯefrinji ŋiɽaŋali ŋeḏi Kwruztu eḏi ruzi ŋaŋwuzi lurṯu beyin, mezi ilŋiiḏaḏizina daŋgal-na wuɽe-wuɽeny, na mezi ireci tɔk ṯeḏina ṯi yeyna tatap, na ma iɽezi Allah limazmuur li ṯortaḏa ṯi, na rilŋa ri tɔk reḏi Tigɽim, leca ŋunduŋwu zukran rugwor ri ralu. na ŋete nyiḏak ŋeṯizandazi ya ŋeṯizerri, eṯizerri tatap ki yiriny-na yeḏi Kweleny kweni Yecu, leca Allah zukran wir Papa, ŋundu ŋgi.

na kiɽeciri ŋeḏre ŋu ṯamɽa, ṯinderṯa ṯeṯi miḏini tatap duŋw eḏorɔ minmin.

mer ŋazi kinna diɽa ṯidiɽa ṯi ṯeḏi Kwruztu ŋundu gi, naŋnari kwɔmne ŋgwu kweṯinanni kilerena kezir weṯi gwu Kwruztu nanni, kwunanalu ki ṯii ṯeḏi mini ṯeḏi Allah.

na eṯefrinji ŋiɽena ŋinḏi nani gwu Kwruztu eḏorɔ kweleny ki rugwor-na ralu. ŋinderṯa ŋornacarŋazi eḏorɔ-na aŋna-na wutuput, na eṯeca Allah zukran rugwor ri.

ṯaŋwu, iɽinyiḏiri ki rɔgwɽɔ-na ralu kwɔmne kwir kweḏi ṯurmun, kwir ŋijin, ṯorṯuṯunana tiki, kaduwa kiki, uri yey lu, na ṯimiidaḏa ṯeḏi kwɔmne kweḏi lizi liḏaḏu—ṯinderṯa ṯir kaka ṯikwocalu ṯeḏi kwɔmne.

kaka ay ŋa gwu, na ŋimiiḏa ŋalu lucini Kwruztu gi eḏi Allah-na.

lakin kirem, urṯineri ŋi lu wur kiṯay tatap daŋgal-na, ŋir ŋerya, na ŋirŋaza, na ɔɽɔm, na ṯuŋwun, na kandiza kiki ki runyu-na.

eṯere kəkeḏizi ŋəluŋ-na wuɽe-wuɽeny mac, kaka ma gwu urṯinelu wur rɔgwɽɔ ri ruɽun kwɔmne gi kweṯir erri, na ma gwu kenne rɔgwɽɔ riaŋ, reṯi kikindeni eḏaɽani ŋgwa Kwukitazi, ki ṯilŋiiḏina ṯuŋwun.

ŋaŋa lir lor, eṯamɽi layu lalu, na eṯizere errici ŋeṯizi umi rugwor-na.

ŋaŋa lir kwelle, eṯi niŋniḏici rarnyaluŋwuzi lanyalu ŋali ŋiɽaŋal ŋi tatap kaka eṯir ŋi əmi Kwelenyi-na.

ŋaŋa lir law, eṯi ketice lileluŋwuzi ŋiɽaŋali yey, kaka ofḏanar gwu nani gwu Kweleny.