Popular Bible Verses from ເຊຟານິຢາ 3

Share

ພຣະເຈົ້າ​ຢາເວ ພຣະເຈົ້າ​ຂອງ​ເຈົ້າ​ຢູ່​ກັບ​ເຈົ້າ ນັກຮົບ​ຜູ້​ຍິ່ງໃຫຍ່​ທີ່​ຈະ​ຊ່ວຍ​ໃຫ້​ພົ້ນ. ພຣະອົງ​ຈະ​ປິຕິ​ຍິນດີ​ໃນ​ເຈົ້າ; ດ້ວຍ​ຄວາມ​ຮັກ​ຂອງ​ພຣະອົງ ພຣະອົງ​ຈະ​ບໍ່​ຕຳໜິ​ເຈົ້າ​ອີກ​ຕໍ່​ໄປ, ແລະ ຈະ​ຮ້ອງເພງ​ເພາະ​ຊື່ນຊົມຍິນດີ​ໃນ​ເຈົ້າ”.

ໃນ​ເວລາ​ນັ້ນ​ເຮົາ​ຈະ​ຮວບຮວມ​ເອົາ​ເຈົ້າ; ໃນ​ເວລາ​ນັ້ນ​ເຮົາ​ຈະ​ພາ​ເຈົ້າ​ກັບ​ບ້ານ. ເຮົາ​ຈະ​ໃຫ້​ເຈົ້າ​ມີ​ກຽດ ແລະ ເປັນ​ທີ່​ຍົກຍ້ອງ ໃນ​ທ່າມກາງ​ຄົນ​ທັງໝົດ​ທີ່​ຢູ່​ແຜ່ນດິນໂລກ​ນີ້ ເມື່ອ​ເຮົາ​ໃຫ້​ເຈົ້າ​ກັບ​ຄືນ​ສູ່​ສະພາບ​ດີ ຕໍ່ໜ້າ​ຕໍ່​ຕາ​ເຈົ້າ,” ພຣະເຈົ້າ​ຢາເວ​ໄດ້​ເວົ້າ​ດັ່ງນັ້ນ.

ພຣະເຈົ້າ​ຢາເວ​ໄດ້​ເອົາ​ໂທດ​ຂອງ​ເຈົ້າ​ໄປ​ແລ້ວ, ພຣະອົງ​ໄດ້​ໃຫ້​ສັດຕູ​ຂອງ​ເຈົ້າ​ຫັນ​ກັບ​ໄປ​ແລ້ວ. ພຣະເຈົ້າ​ຢາເວ, ກະສັດ​ແຫ່ງ​ອິດສະຣາເອນ​ໄດ້​ຢູ່​ກັບ​ເຈົ້າ; ເຈົ້າ​ຈະ​ບໍ່​ຢ້ານ​ອັນຕະລາຍ​ໃດ​ໆ​ອີກ​ເລີຍ.

ໃນ​ເວລາ​ນັ້ນ​ເຮົາ​ຈະ​ຈັດການ ກັບ​ທຸກຄົນ​ທີ່​ກົດຂີ່​ຂົ່ມເຫັງ​ເຈົ້າ. ເຮົາ​ຈະ​ຊ່ວຍ​ບັນດາ​ຄົນເປ້ຍ ເຮົາ​ຈະ​ຮວບຮວມ​ເອົາ​ຜູ້​ທີ່​ຖືກ​ເຮັດ​ໃຫ້​ກະຈັດກະຈາຍ​ໄປ. ເຮົາ​ຈະ​ໃຫ້​ພວກເຂົາ​ເປັນ​ທີ່​ຍົກຍ້ອງ ແລະ ມີ​ກຽດ ໃນ​ທຸກ​ດິນແດນ​ທີ່​ພວກເຂົາ​ໄດ້​ຮັບ​ຄວາມ​ອັບອາຍ.