Popular Bible Verses from ເອເຊກຽນ 37

Share

ແລ້ວ​ພຣະອົງ​ກ່າວ​ກັບ​ຂ້າພະເຈົ້າ​ວ່າ, “ຈົ່ງ​ກ່າວ​ທຳນວາຍ​ແກ່​ກະດູກ​ເຫລົ່ານີ້ ແລະ ກ່າວ​ຕໍ່​ກະດູກ​ເຫລົ່ານັ້ນ​ວ່າ, ‘ກະດູກ​ແຫ້ງ, ຈົ່ງ​ຟັງ​ຖ້ອຍຄຳ​ຂອງ​ພຣະເຈົ້າ​ຢາເວ! ພຣະເຈົ້າ​ຢາເວ ອົງ​ເຈົ້ານາຍ​ກ່າວ​ແກ່​ກະດູກ​ເຫລົ່ານີ້​ວ່າ: ເຮົາ​ຈະ​ໃຫ້​ລົມຫາຍ​ເຂົ້າ​ສູ່​ເຈົ້າ ແລ້ວ​ເຈົ້າ​ກໍ​ຈະ​ກັບ​ມາ​ມີ​ຊີວິດ.

ເຮົາ​ຈະ​ຮ້ອຍ​ເອັນ​ຂອງ​ເຈົ້າ ແລະ ໃຫ້​ເຈົ້າ​ມີ​ຊີ້ນ ແລ້ວ​ຫຸ້ມ​ເຈົ້າ​ໄວ້​ດ້ວຍ​ຜິວ​ໜັງ; ເຮົາ​ຈະ​ໃສ່​ລົມຫາຍໃຈ​ໃຫ້​ເຈົ້າ ແລະ ເຈົ້າ​ກໍ​ຈະ​ກັບ​ມາ​ມີ​ຊີວິດ. ແລ້ວ​ເຈົ້າ​ກໍ​ຈະ​ຮູ້​ວ່າ​ເຮົາ​ຄື​ພຣະເຈົ້າ​ຢາເວ’ ”.

ພຣະອົງ​ໄດ້​ຖາມ​ຂ້າພະເຈົ້າ​ວ່າ, “ບຸດ​ມະນຸດ, ກະດູກ​ເຫລົ່ານີ້​ຈະ​ກັບ​ມາ​ມີ​ຊີວິດ​ໄດ້​ບໍ?” ຂ້າພະເຈົ້າ​ໄດ້​ຕອບ​ວ່າ, “ຂ້າແດ່​ພຣະເຈົ້າ​ຢາເວ ອົງ​ເຈົ້ານາຍ ພຣະອົງ​ຜູ້​ດຽວ​ທີ່​ຮູ້”.

ມື​ຂອງ​ພຣະເຈົ້າ​ຢາເວ​ຢູ່​ເໜືອ​ຂ້າພະເຈົ້າ ແລະ ພຣະອົງ​ໄດ້​ນຳ​ຂ້າພະເຈົ້າ​ອອກ​ມາ​ໂດຍ​ພຣະວິນຍານບໍລິສຸດ​ຂອງ​ພຣະເຈົ້າ​ຢາເວ ແລະ ໄດ້​ວາງ​ຂ້າພະເຈົ້າ​ໄວ້​ທີ່​ກາງ​ຮ່ອມພູ​ແຫ່ງ​ໜຶ່ງ​ທີ່​ເຕັມ​ໄປ​ດ້ວຍ​ກະດູກ. ພຣະອົງ​ໄດ້​ພາ​ຂ້າພະເຈົ້າ​ເດີນທາງ​ໄປ​ມາ​ໃນ​ທ່າມກາງ​ກະດູກ​ນັ້ນ ແລະ ຂ້າພະເຈົ້າ​ໄດ້​ເຫັນ​ກະດູກ​ຈຳນວນ​ຫລວງຫລາຍ​ຢູ່​ເທິງ​ພື້ນ​ທົ່ວ​ຮ່ອມພູ, ເປັນ​ກະດູກ​ທີ່​ແຫ້ງ​ຫລາຍ.

ດັ່ງນັ້ນ ຂ້າພະເຈົ້າ​ຈຶ່ງ​ໄດ້​ກ່າວ​ທຳນວາຍ​ຕາມ​ທີ່​ພຣະອົງ​ໄດ້​ສັ່ງ ແລະ ຂະນະ​ທີ່​ຂ້າພະເຈົ້າ​ກຳລັງ​ກ່າວ​ທຳນວາຍ​ຢູ່​ນັ້ນ ກໍ​ມີ​ສຽງ​ດັງ​ກຸກ​ກິກ ແລະ ກະດູກ​ຕ່າງໆ​ກໍ​ມາ​ປະສານ​ຕໍ່​ເຂົ້າ​ກັນ. ຂ້າພະເຈົ້າ​ເບິ່ງ​ກໍ​ເຫັນ​ເອັນ ແລະ ຊີ້ນ​ກໍ່​ກັນ​ຂຶ້ນ​ເທິງ​ກະດູກ ແລະ ຜິວ​ໜັງ​ກໍ​ຫຸ້ມ​ກະດູກ​ເຫລົ່ານັ້ນ​ໄວ້, ແຕ່​ຮ່າງ​ເຫລົ່ານັ້ນ​ຍັງ​ບໍ່​ມີ​ລົມ​ຫາຍໃຈ.