Popular Bible Verses from ເອເຊກຽນ 18

Share

ເພາະ​ເຮົາ​ບໍ່​ໄດ້​ພໍໃຈ​ໃນ​ຄວາມ​ຕາຍ​ຂອງ​ຜູ້​ໜຶ່ງ​ຜູ້ໃດ, ຈົ່ງ​ກັບ​ໃຈ​ໃໝ່ ແລະ ມີ​ຊີວິດ​ຢູ່! ພຣະເຈົ້າ​ຢາເວ ອົງ​ເຈົ້ານາຍ​ປະກາດ​ດັ່ງນັ້ນ.

ຜູ້ໃດ​ທີ່​ເຮັດ​ບາບ ຜູ້​ນັ້ນ​ກໍ​ຈະ​ຕ້ອງ​ຕາຍ. ລູກ​ຈະ​ບໍ່​ຕ້ອງ​ຮ່ວມ​ຮັບ​ໂທດ​ກັບ​ຄວາມ​ຜິດ​ຂອງ​ພໍ່, ທັງ​ພໍ່​ກໍ​ບໍ່​ຕ້ອງ​ຮ່ວມ​ຮັບ​ໂທດ​ກັບ​ຄວາມ​ຜິດ​ຂອງ​ລູກ. ຄົນ​ຊອບທຳ​ຈະ​ໄດ້​ຮັບ​ຜົນ​ແຫ່ງ​ຄວາມ​ຊອບທຳ​ຂອງ​ພວກເຂົາ ແລະ ຄົນ​ຊົ່ວ​ກໍ​ຈະ​ໄດ້​ຮັບ​ການ​ກ່າວ​ໂທດ​ຈາກ​ຄວາມ​ຊົ່ວ​ຮ້າຍ​ຂອງ​ພວກເຂົາ.

ຈົ່ງ​ປະຖິ້ມ​ການ​ລ່ວງ​ລະເມີດ​ທັງໝົດ​ທີ່​ເຈົ້າ​ໄດ້​ເຮັດ ແລະ ຮັບ​ເອົາ​ຈິດໃຈ ແລະ ວິນຍານ​ໃໝ່. ຄົນ​ອິດສະຣາເອນ, ເຈົ້າ​ຈະ​ຕາຍ​ເຮັດ​ຫຍັງ?

ພຣະເຈົ້າ​ຢາເວ ອົງ​ເຈົ້ານາຍ​ປະກາດ​ວ່າ, ເຮົາ​ຄວນ​ພໍໃຈ​ໃນ​ຄວາມ​ຕາຍ​ຂອງ​ຄົນ​ຊົ່ວ​ຮ້າຍ​ບໍ? ເຮົາ​ບໍ່​ຍິນ​ດີ​ຫລາຍ​ກວ່າ​ບໍ ເມື່ອ​ພວກເຂົາ​ຫັນ​ໜີ​ຈາກ​ທາງ​ຊົ່ວ​ຂອງ​ຕົນ ແລະ ມີ​ຊີວິດ​ຢູ່?

“ແຕ່​ຖ້າ​ຄົນ​ຊົ່ວ​ຫັນ​ໜີ​ຈາກ​ບາບ​ທັງໝົດ​ທີ່​ພວກເຂົາ​ໄດ້​ເຮັດ ແລ້ວ​ຮັກສາ​ດຳລັດ​ທັງໝົດ​ຂອງ​ເຮົາ ແລະ ເຮັດ​ສິ່ງ​ທີ່​ຖືກຕ້ອງ ແລະ ຍຸຕິທຳ, ຄົນ​ນັ້ນ​ກໍ​ຈະ​ມີ​ຊີວິດ​ຢູ່​ຢ່າງ​ແນ່ນອນ; ພວກເຂົາ​ຈະ​ບໍ່​ຕາຍ.

ລາວ​ປະຕິບັດ​ຕາມ​ດຳລັດ​ຂອງ​ເຮົາ ແລະ ຮັກສາ​ກົດບັນຍັດ​ຂອງ​ເຮົາ​ຢ່າງ​ສັດຊື່​ທີ່​ສຸດ ຜູ້​ນັ້ນ​ເປັນ​ຄົນ​ຊອບທຳ; ລາວ​ຈະ​ດຳລົງ​ຊີວິດ​ຢູ່​ແນ່ນອນ, ພຣະເຈົ້າ​ຢາເວ ອົງ​ເຈົ້ານາຍ​ປະກາດ​ດັ່ງນັ້ນ.