Popular Bible Verses from Roma 7

Share

Nuni Allahag wana yororo, “Naba Nani,” aro kiplamsut! Nu Saelba Uhiropne Yesus Kristus poneko pere agha taluro yepsilul! Ni aneko kaupto lelamnangena, nari wanaag seneragnangeag agha, “Allahri aruksirop yubu nelepto ulamsene,” aro seneraglamna aghana, nari nong eneag wamnaba, “Malia uahane,” senenneri aruklamnelba, nelepto ulamna.

“Walinge uahane,” aro seneraglamnange babe, nari ul pinep kom. Ane sembe na el wamnangena, “Na mo yeng neneropne uahane,” senelamnange neneag agha walinge nhon nari wanaag ua ulamla kom.

Nari, “Walinge uahane,” aro seneraglamna aghana, ot nari karong senenne malinge agha ulamna.

Aghana nari karong senenne ulamna tanena, na mori ulamna kom. Na mori ulamna kom aghana, “Malinge uahane,” senenne nari wanaag ua ulamlange nenekori aruklamnelba ulamna.

Ane sembe sop-sop uro yabalamlange el talamnangena, nari wanaag, “Walinge uahane,” aro seneraglamna abeneko, “Malinge uahane,” senenne babe nanag sop-sop wea ulamla. Undo lelamnange tam nene sembe. Nari wanaag Allahri aruksirop yubu sembe yengne maikno ulamnel.

Nari, “Uahane kom,” aro seneragtopne ulamna tanena nari wanaag, “Walinge uahane,” aro seneraglamnange pere agha, “Yo ot sik, Allahri aruksirop yubu mo walinge,” aro seneragtopne lag talamla.