Popular Bible Verses from Roma 6

Share

Nimiri malia uropne sembe nunag tanep nena, ot tepnange agha nunag talamso. Aghana Allahri nimiag wana yororo tarelamsil nena, nu Saelba Uhiropne Yesus Kristus pere agha ya'ag kamag uro unne tarelamsil.

Wene Allahri nimi saelbamsil nena, Musari aruksirop yubuag agha a'un saelba ulamsil kom aghana, eldi wana nunag yorolamsilneag agha saelba ulamsil. Ane sembe a'undi, “Malia uahane,” senelapmunne nenekori a'undam nimi arukahilul kom.

Ane sembe, nu maghag pelengelamsiangne pere agha Kristusap nimi teptop nimi saog tabuba, Kristus kirik hogtobaag sikek saog uro elap nikag maghag pelengelamsiang. Maghag pelengelamsiang andarina, Ili Allah imang wareropne pere agha Kristus poneko nimi teptobag agha kamag nembaog saog uro, nu babe kamag nembi agha wendog nimi nembahiog. Wendog nimi nembahiog ane sembe, sunsunum uro ul palamukap.

A'undi, “Malia uahane,” senenne neneko a'undi nongag yan sae nia wamlange neleban koma sik komne malia uaheng kom. A'undi nongag yan sae nia wamlange sembe seneraglapmundi, “Na samenag teptopneag agha kamag nembaneog. Ane sembe, ot Allahringe wamnun,” aro el saeag nenel dalapmundi, el mo sembe ot wana porogne agha ua ulamlulom.

Nuri samenag, “Malia uahane,” aro ulamububa, malia uahane senenne nenekori nu arukna saog nembahiog. Arukna saog wamubu aghana, nu el uro wamap nena, nu Kristusap nhon ma'ap tangtopneag agha, nu mog so'oag nimiri, “Malia uahane,” senenne neneko epto tobog. Epto tobog nena, nimiri el kalag sipto obeka anekoag, “Malia uahane,” senenne neneko elap nhon tebaog. Eldina, “Nimi nong ningkiri malia seneropne neneko kom taho, andarina nimiri, ‘Malia uahane,’ senenne nenekori nen tipto sin arukna nembahinep kom,” aro epto tobogpa, elap nhon tebaog.

Ane saog uro a'undi babe a'undam nimi sembe seneraghal dalapmundi, “Na, ‘Malinge uahane,’ seneropne sembe na teptop nimi saog tahi. Wene Yesus Kristus ponekoap ma'ap tangkamnamneag agha kamag nembaneogpa, kamag wamnange Allah sembe ua ulamnun,” aro seneraghal dalamlulom.

Undop pagha tanena, sa'a sukap? Nuri tipto malia ulamsebe andarina, Allahri wana nunag yorolamsilne nubu tangto phelekaho sembanep te? Undo sembaheng kom! Malia uropne nene sembe teptop nimi tabu ane sembe, nu nen tipto, “Nu kamag uro wamnepne malia uropneag ul palamukap,” sembanep te?

Sunumna nene a'un el wamlom. A'undi nimi nhonag yubu lelamsomdi, “Andi yubu nelepto ul palamnundi, andi arukna tanun,” sehom tanena, a'un arukna nembahinep. Eldi aruktop yubu nelepto ka'ebahom tanena, eldi arukna tahom. Ane saog uro a'undi, “Malia uahane,” senenne nelepto ulapmun tanena, “Malia uahane,” senenneri arukna wapmundi tebalulom. Aghana Allahri senenne nelepto ulapmun tanena, eldi arukna wapmundi, wana porog nimi talulom.

Samenag a'undi, “Malia uahane,” senenneri a'undam nimi aruklamsiogpa, nelepto ulamlum. Malinge ulamlum aghana, nimiri a'unag sik yubu wana porog nenerop yubu ambarel ahiek. Samenag a'un malingeri aruklamsiogpa, ka'elamlum aghana, wene malinge senenne nenekoag agha a'un sae lopsiogpa, wana porog senenneri a'un aruklamsilba, nelepto ulamlom. Sik yubu eneko ka'ebalumne wana nong ningkiri nelepto ulamlom, ane sembe Allahag, “Naba naniong,” aro kiplamap.