Popular Bible Verses from Roma 8

Share

Nu el wamap nena, nimi etne Allahri kiliro, “Nari awe tol tongolamlul,” aro yobogpa, Allah o'ona senerop tanena, nimi eneko Allahri yae paiamla. Sa'a-sa'a uro yabalamlangeag agha babe Allahri nimi eneko sembe, “Wali nembanepne agha elag talul,” aro poloro piplul.

Nari sik senelamnari, yubu ambatsin nena, Allahri nu o'ona senelamsilne ponekoap ma'al dalamapneag agha nimi nhondi kiliro a'ebahinep kom. Kamag wamnange to, tepnange to, Allah arukna imagne malaikatti to, mema mikibari to, wene babe, amik babe, mikip uropne nhondi babe a'ebahinep kom. Nia mangkina Allahri sumbaogne paliag sipne to, mombolag sipne to, nhondi babe a'ebahinep kom. Nu Saelba Uhiropne Yesus Kristus pere agha Allahri nu o'ona senelamsilba, nia mangkina wamlange nhondi babe nu kiliro o'ona senelamsilne nenekoag agha nu a'ebahinep kom.

Tam nene saog uro, nu wana ikinag nong pesa urobag agha Allah Yame Walingeri nunap ma'aro yebel alamsil. Nu yebel alamsil nena, nuri wanaag, “Allahag molbahane,” sembanep aghana, “Yubu welaro molbahane,” aro ekon urobag agha Allah Yame Walingeri yeplamsil. Nuri pam silimuri yubu lemnep komne tiplamlari, Allah Yame Walinge eldamneri nu sembe Allahag molbarelamsil.

Tam nene sembe sa'a sukap? Allah poneko nunag sip wamla tanena, etneri nunap aisa nenep tangto paliag tanep?

Samenag Allahri Musa pere agha aruksirop yubu ambatsiogpa, irikna phiro malia ulamubunge teptopne apto abu. Teptop nimi tabu aghana, wene nu Yesus Kristusap ma'ap tangkamap tanena, kamag nenehirop Yame anekori nu talulamsildi, wanaag aruklamsil. Nuri wanaag aruklamsil andarina, samen aruksirop yubu nimi opsinep yubu enekori wene nu aruklamsil kom. Ane sembe wene Yesus Kristusap ma'ap tangkamap nimi tam karepto ikinne nunag pimnepne orog.

Nimi nong mo sembe seneragtop tanena, teptopne agha lag tanep. Allah Yame yeng seneropne sembe seneragtop tanena, wana aingniro wali uro kamag uro unne lag tanep.

Wene seog aghana, ni taneko nunag uro yabinepne abeneko pere nu mombolag nembahin koma Kristus ponekori nu o'ona senelamsilne neneri nu mikip sirik nimi nenelamsil.

Amik kipsileri imang wareroba nunag tatsilulne ane nubu sirik. Nari senelamnange, wene seklelamap aghana, amik imang wareroba nunag lag talulne nubu sirik tina, wene seklelamapne sembe tam nubunge sembamna kom.

Kristus ponekori nu o'ona senelamsilne ponekoap nunap ma'al dalamap tanena, nimi nhondi babe a'ebahinep kom. Nu sekleropneri to, nunag ikinne tiniropneri to, nu aisa nenep tangtop nimiri sarekerepsiropneri to, kwaneng yo uropneri to, kabeog uropneri to, nu opsinepneri to, nimiri nu teplopsinepneri to, nhondi babe nunap nu o'ona senelamsilne ponekoap sae salep tangkamapne sae komobahinep kom.

Allahri kelmabo me wepsiog nimi sembe Yame Walingeri molbarelamsil. Allahri nuri wanaag to'opto wamlange ililamlari, Eldamne Yame Walingeri seneragnange el wamlari, nhonog wamla. Ane sembe Yame Walingeri nu sembe molbarelamsilne el wamla.

Allah Yameri yeplamsil nena, nimi etneri Allah Yame seneropne nelepto ul pirop tanena, nimi taneko Allahri kelmabo me wamang.

Anena, mog so'oag nimiri senenne sunsunum uro ul pirop nimi tanekona, nimi nong mo sembe seneraglamang. Aghana Allah Yameri senenne sunsunum uro ul pirop nimi tanekona, Allah Yame yeng seneropne sembe seneraglamang.

Allahrina, “Naba Nameag tam timbaleag,” semban koma mog so'oag nimi ni sembe Elme tatsiog. Undop tanena welaro seneraglamlom? Elme wanaagne tatsiog tanena, “Eldi wana nunag yorolamsilneag agha Elmeap nia mangkina babe sik uro nunag tatsinepneog wamla,” aro seneraglamap.

Allah Yame el mori nuri wanaag ambarelamsilne agha, “Nu Allahri kelmabo maboap wamap,” aro el talamsil. Eldi kelmabo maboap wamap tanena, eldinge agha pogto nunag tatsilul. Allah el mori nunag tatsilul nena, nunap Kristusap ma'ap tangtopne sembe pogto tatsilul. Nuna, “Allahri nu babe wali kipsilul,” aro Kristusap ma'al dalamapti, el sembe seklelamap tanena, Nuni Allahri nu babe Kristusap nhon wimbitsileri tatsilul.

Anena, mog so'oag nimiri nimi nong mo sembe seneragtopne neneri Allahap aisa nenep tangkamla. Aisa nenep tangkamlange nenena, Allahri aruksirop yubu ka'ebanne agha, nimiri wana mamsoba, sunsunum uro uaheng. Aghana mog so'oag nimiri wana mamnep komdina, Allahri senenneap sunsunum uro uanep kom.

Amik sum kiplamsileri, Allahri nimi wepto, “Nari kelmabo me ane,” aro lag nembahilul. “Nari kelmabo me ane,” aro lag nembahilul sum eneko, “Elem uro yaboho,” aro tibogto nang-nangalamap. Ni so'oag uropne pongorobari babe, lebe arobari babe, ni tanekori, “Im so'o sumbahiogne poneko eldi kelmabo me elem uro lag nembahiso,” aro tibogto nang-nangaro wamap.

Tam nene sembe nu el wamap. Samenag agha babe, wene wamapne babe nia mangkina Allahri sumbaogne mog so'oag wamlange neneko seklero yabalamla. Nia mangkina sumbaogne tanekona, kelabo me mangaro anep kelabori, “Yaghe,” aro engelamlonga saog uro ni mog so'oag uropne sumbaogne tanekori nunap nhon, “Yaghe,” aro seklelamap. Pongorobaap, lebe arobaap, so'oag uropneap seklero, “Yaghe,” senelamang aghana