Popular Bible Verses from Roma 5

Share

Aghana Allahri senerop nena, mog so'oag nimiri seneropneap sunsunum kom. Nuri walinge uan koma malinge ulamubu aghana, Kristus poneko nu sembe tebaog. Tebaogne pere agha Allahri nu o'ona senelamsilne lag nembarelamsil.

Nuri elag wana paliro tiboglamap tanena, alinge nunag uahilul kom. Allahri Eldamne Yame Walinge nunag tarelamsilba, nuri wanaag to'obol dalamla andarina, Allahri nu o'ona maiknoro senelamsilne el talamap. Ane sembe alinge nunag uahilul kom.

Wana yeng uro wamap nena, amik uro yabinepne sembe mo kom, aghana wene seklelamapne babe wana yeng uro wamap. Nu el uro wamap nena, nu seklenne seklelamapne pere agha el talamapti, “Wana khapto sol wali uro ulamukap,” aro el talamap. Wana khapto uropne pere agha nimi wana miptopne keknel dalamla. Wana miptopne keknep tangtop tanena, nuri wana yeng uro amik uro yabinepne tiboglamap.

Nuri Yesusag wana palilamap tanena, Allahri nu, “Wana porog nimi,” sembamsil. Ane sembe, nu Saelba Uhiropne Yesus Kristus pere agha Allahap nunap ma'ap tangkamap. Yesusag wana palilamapne pere agha eldi Allah whingag enero poa sekililamsilba, Allahri wana nunag yorolamsil. Nunag wana yorolamsilba, nu wana yeng uro nang-nangalamapti, “Allah ponekoag imang wareroba wamlange nunag babe leknebahilul,” aro tilamap.

Allahri nu o'ona senelamsil nena, nu mikip kom uro wamuburi, Allah kipna koma salik-malik ulamubu. Undo wamubu aghana Allahri, “Wene tebalul,” sembaog sum eneko Kristus poneko nu sembe tatsiogpa tebaog.

Kristus eneng lanaro tebaogneag agha Allahri nu sembe, “Wana porog nimi,” aro tam orog nenelamsil tanena, wene Kristusap ma'ap tangkamapne pere agha Allahri nunag wana yo pimnep sum eneko taulbahilul.

Anena ot nimi nhonogti yubu ingisapto malia uaogneag agha malia urop nimi teng-tengne taog. Ane saog uro ot nimi nhonogti Allah yubu sunsunum uro wali uro ulamogneag agha wana porog nimi teng-tengne nenelamsilul.

Abeneog kom. Samen Allah aisa nembabu aghana, wene Allah si paliag nenelamapti, “An Anme Yesus Kristus nu Saelba Uhiropne pere agha samoro ma'ap tangkamap,” aro kiplamap.