Popular Bible Verses from Iburu 12

Share

Naa pange go wenaali andapupeme naame pima aunu andolameya naa kopoliao-aeme. Go einare mo naana para sese pia alenu giaminya. Gupuma naa korao rumbuma aya alenu pange giaminya. Go einare mo naana mula pema alenu meaminya raname komopale angirali nali pipape. Naana leeme Yesu komea andari pelema. Akepeare naana kone rulaema aununa reere kini pulu pange pereyadore nipu komea. Nipu ekeraisa wapepi repana mandaa komape eina yalame na-komisaya. Nipumi pala yalame na-komea eiri ande komala ei minyapalaoma raname komola ei andola pa eina pisaya. Go werepe raname komola pa eina kone sia eimiri komape eina paalame na-komaya. Ambiare nipuna Apa Godena popeke ki nane pia.

Naa kee para dia dinare naame go dina komea pu kendame komalema. Go peapare werepenuri nee go rendaa nande ei kone sialo ara epe rupa ari pele.

Menda menda rapu ora kuma pi rupa ao-paidapape. Gupuma ora rendepona komea ao-paidapape. Akepeare Godere ora rendepona ao-paidia alimi komea andelea.

Nipumi nisaya rendaa kone sialepape. Koae aunu puae wenaalimi nipu ora yanda waru lisimiyapare nipumi kone menda na-wisaya. Go einare nimimi Gode repara kone rulada au na-gialepape.

Go einare naame raname komaminya. Akepeare naamere lewa lewa na-pape ki rambuao-aya ei memale. Naame ora raname waru komalo ara Gode repara panda punyaoma yainya paminya. Nipuna rana pilia rupa paminya. Nipu ora andasiaoma ando paminya.

Godeme nimi rendaa giliandare gore aranumi sinu mana doameya pia rupa mandayale kone na-sialepape. Go rendaa naleme eimi go ei wada. Nimiri Gode nipuna naki loma pia. Go suna aranumi mana doameyandare naki nongonu ora waru luaeme.

Akepeare naana Gode nipuri ora ralo ralo ae repana manda. Go repanamere olemole raayo ma-koyao-aya.

Naana suna apanumiri naa nongo nakisinu pirala pama dina komea naana kee para liala pamende. Godeme naa kee para diandare gore naa rambamea pa ainya pia. Go eina reere gore naa nipu manda amonoyanda pia.

Koae aunu puae wenaali nimi rapu yanda pisiminde dinare nimumi nimi na-lu komaisiminde.