Popular Bible Verses from Iburu 11

Share

Naame Gode repara kone rulalimandare gore ale menda ora pilia loma aema. Go pula pea alenuri naame ambe na-ande arayapare golere ora pilia kone suma aema. Ambaisena ao-aisimiya wenaalimi Gode repara kone rulaisimiya einare Godeme nimu repara raname komoaisaya.

Kone na-rulalia alimiri Gode rana na-ma-palia. Akepeare Gode repara epelea alimiri Gode endoma aya kone su pange nipu repara kone rulaoma epelea aliri nipumi epe yanginu adea kone siari epeleme.

Go su yaa laapo warea eiri naame na-andemapare nipuna angeleme gole wapea lore naame kone rulaema. Godemere naame na-andape alenu mumare pename andape alenu waruma wia.

Eparame nipuna kone rulaisaya eimiri Godeme nipuna adoa lisaya andasu para paisaya. Nipumi pola pa andasuri na-ande ara golere pa anda minyapalaisaya. Nipuna kone rulaisaya eimiri ande Godeme walisaya andasu para golere parere ali leale ao-aisaya nipu pange ria anda para Aisake pange Dieikopo laapome pisipiya rupa. Niipu laapo pange Godeme adoa loma angele lisaya alenu alisaya.

Noamere werepe pula pea aunu na-andoma golere ora pilia kone suaisaya. Nipumi Godena angele pangoma kawaso ora andaai wapisaya. Go kawasomere nipu pange nipuna repaa rambamisaya. Go au pisaya eimiri suna aeme wenaalimiri pa aunu pimi lisaya. Noare Gode repara kone rulao-ae ali aisayandare Godeme ora rendepona ao-ae ali lisaya.

Inokome Gode repara kone rulaisaya eimiri nipu na-komisaya. Nipu na-kome-ainyaloma Gode repara ma-paisimiya. Gupuma mendame nipu na-andisimiya. Ande Godena angele wia bukamere gupi lea. Inoko nipu yaa nane ambe na-pe ara gole Gode raname ma-komao-aisaya lea.

Ebolo nipuna kone rulaisaya eimi nipuna alinau pisaya eimiri Kenina ei lu rambuaisaya. Nipuna kone rulaisaya eimiri Godeme nipuri ora rendepona ao-ae ali lisaya. Akepeare nipuna pakama Gode para alisaya alenuri Godeme raname komisaya. Ebolo nipu komeapare golere ambiare nipu angele pa da.

Eparame nipumi kone rulaisaya eimiri nipu nongo nakina ara aisaya. Nipu pange Sera pange yomogae wenagae laapo piriyapare golere Godeme lalore niipi nongo nakinu gula lisaya ei repara kone rulao aisipiya.

Akepeare Godeme ro puma elalia andaa andasu Eparameme maisao aisaya. Go andaa andare pa ao-alia.

Mosesi andayaoma ainyalomare nipuri ande kinina wanena sipi na-dapape lisaya. Go au pisaya eiri nipuna kone rulaisaya eimi pisaya. Nipumi pa ria ambo koae aunu pape eina kone na-wi Godena wenaali rapu menda rendaa nola kone wisaya. Nipuna kone sialore Reali ande Mesayana pupudengi nape eimiri Idipi andasu para wia amo alenu raayo rambua aya kone wisaya. Mosesimi ande kini alina rono pangola pa ei repara paalame na-kome, Idipi andasu minyapalaisaya. Go eiri nipuna kone rulaisaya eimi pisaya. Nipumi ande wenaalimi pange na-andape Gode ande nono pumare wala Idipi andasu nane pope giaisaya.

Eparame nipuna kone rulaisaya eimiri nipuna naki Gode repara alinau paisaya. Go eiri Godeme nipu la andisaya. Godeme Eparamena repaa ale menda palua loma wili mandaa misaya. Go eiri kone sumayapare golere nipuna naki alinau paisaya.

Ande ali pake noae wena nipuna bi Raiabe nipu ande Godena angele yoko ae wenaali rapu na-komisaya eiri nipuna kone rulaisa eimi pisaya. Ande kundiripu ipisipiya Isaraeli ali laapo karu misaya.

Ande Isaraeli wenaalimi ande Weepi Ipare su kamana pi nono puma rungulisimiya. Idipi alinumi mendaa au pula kone wisimiyapare ande ipa ipulu ara ipa nisimiya. Go eiri ande Isaraeli wenaali nimuna kone rulaisimiya eimi pisimiya.

Ande Isaraeli wenaali yapi di mendane ki pereya mendane kina laapome Dieriko anda ma-kopoliaisimiya. Mo anda kopoliaisimiya alena golere mo andasuna rombala pisaya. Go eiri nimuna kone rulaisimiya eimi pisaya.

Pasopa enda nape aunu pu pange ande pora gape para wee kirala pisaya eiri kone rulaisaya eimi pisaya. Go pora gapena wee ma-kirala pi auri ande Komala ei ma-epao-ae Eindiolome mo Isaraeli wenaalina ririna nakinu komelemeya pisaya.

Diosepa nipu repara komolameya piriri Isaraeli wenaalimi Idipi andasu minyapalaoma pola pameya eina angele laya. Gupuma nipu komeleanda nipuna do para pula peme aunu wenaali para la alisaya. Go eiri nipuna kone rulaisaya eimi pisaya.

Dieikopo nipu komolameyare Diosepa nipuna nakinu parare ora epe aunu andelepe ae lisaya. Nipumi nipuna rimapu para pamuala ara Gode repara yainya puaisaya. Go eiri nipuna kone rulaisaya eimi pisaya.

Aisake nipumi Dieikopo pange Iso laapore werepenu ora epe aunu ando ali pi lisaya. Go einare nipumi kone rulaisaya eina pisaya.