Popular Bible Verses from 1 Dimodi 4

Share

Neere pena nakiyapare wenaalimi nee na-lu pambainyalape. Keriso wenaalimi nee andoma mongelena nena angele pange nena ao-ale rupa pange nena pu ade ei para kone rulada ei rayo ora rendepona ora pamuape.

Neere kone wili, do yongale puri ma-palaluame nalama pupudengimiri pa engepusi rambameala ei komea. Go peapare naana remonu puri ma-palaluame nalama pupudenginuri ora epelea. Akepeare ambia go mula pema endoaya ei raidipunana wili mandaa angele la wia.

Nena pili aunu pange mongeriade aunu pange waru andalapape. Go au laapo pa pa eiri pope. Akepeare neeme go au pilindare gore nena pange nena mongeriade repaana kalu pape poale.

Ande Epe Yaakopi Sipiridimi angele loma penameyao gurupa walisaya. Werepenuri wenaali menda para Gode para kone rulae ei ora gialimi. Gupuma nimumi mo pereke pereke remonuna angele pangeleme pange mo koae remonumi wademe aunu pilimi.

Go peapare mo wenagaenumiri ree na-wi pakama angelenu loaeme. Go angelenuri na-pange kou wadapape. Gupuma Godena aunu andape eina puri waru palape.

Go einare neeme ni maisamba arare, neeme Godena angele puri waru paloma yarepema wenaali raayo para waru walape. Gupuma nimumi epe aunu pinaya neeme ora epe rupa kone winya rupa mongeriape.