Popular Bible Verses from 1 Dimodi 3

Share

Mendame ande Godena angelena ree la yoke eiri mendame na-ande pa wanduapenaya. Go eiri gurupa. Nipuri ora ali mandana penameyaoma ipisaya. Mo Yaakopi Sipiridimi go eina ree ora ei loma penameyao walisaya pange eindiolo alinumi nipu andisimiya. Go eina nipuna angelere wenaalinu raayosi para ipisaya. Gupuma nipuna angelere su kuni para raayosinu wenaalimi kone rulaisimiya. Gupuma nipu wala so yaa nane ma-paisaya.

Gupuma go ali nipuri nipuna aya ei rupara pa aunu pea einu menda na-anda wilimi. Gupuma nipuri wena komeana ali alia pange nipuna kone para aoma ao-alia pange lee para na-ande alinu pange nipuna anda para ipulupa loma ao-aya ali alia. Gupumare nipu waloae ali mandana alia.

Gupuma nipuna wena nakinu waru andere-ao-ae ali alia. Gupuma mo nipuna naki nongonumi pange nipuna angele waru pangena loma karu alia.

Mo Keriso wenaalinu rupara pupudengi nola peme alinuri wena komea lami alinumi koma pilimi. Gupuma nimuna wena nakinu ora waru andere-ala pilimi. Mo alinu nimumi epe pupudenginda nelemendare gore nimuri ora epe bi wi alinu alimi. Gupilimindare gore nimumi Yesu Kerisona angele puri pale rupa yalame na-komea walala pilimi.