Popular Bible Verses from Saak 2

Share

Iyu yooŋ i káyilen ku keemo fu: an af'áyilen barebare, abe áwufoorut ko tu hunoŋk hoone heejake hu, káyilen koone keekete.

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.

Kújakuwe, an af'aŋ'aane abajabaj káyilen, abe bare ánoŋkaariit ajakee, bibajabaj fíya éñjeriŋ? Káyilen kondu kúnoonio fíya kafakan?

Eeman á̱yilenayilen kaanuku Atambatun afeeneŋ abaje fu? Kame beejake. Sirab su yooŋ síyilenayilen bondu, abe iŋi síbit ekoloowe taŋ.

Bare an n'afin aane: «Awe á̱yilenayilen, íñje n'iŋ'ifin inoŋk ajakee», íñje kaanio: «Á̱wufooram buŋ b'a̱yino fu káyilen t'á̱noŋkaariit ajakee, abe íñje n'iŋ'íwufoori káyilen kúuma tu hunoŋk húuma.»

Atambatun af'áyemi ti kajoonan ku, at'aŋaaŋ kayubiyen an éeyubiyenaariit u bakaaku. Bare af'aŋ'a̱yubiyen bakaaku, Atambatun at'atinani.

Náami arijuka kaanuku Atambatun aŋ'aane an ájubajub ti manoŋkar moone; káanukiiit iŋ'ite káyilen k'abaje ku barebare.

A̱juka kaanuku káyilen koone kiriboorariboor ni manoŋkar moone, abe káyilen koone nu kurum tak iŋi manoŋkar moone.