Popular Bible Verses from Saak 3

Share

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Abajeebaj fíya t'aruun an éewesinatee abe yooŋ n'áwasi? Áwufoor bo ésuk i ti manoŋkar moone meejake mu mamm'áhin, ti káneeni koone, nu búwesinato boone.

Kiŋki káhin ésuk i keebukan iŋi kanaw káasuumaay, abe miriyaay mimmi kabaj toko meemo fu buroŋ beejoŋoore.

Ábuki ti bíhiñanoor beemo, ni biyinoor bite bíhaŋoor, kajoŋooraate kondu toko, ni kinij kánokan keejakut.

Ne ko n'uf'úsokoroor Atemit Faaf úne, ne ko yooŋ n'uf'úwuum bakan úne kúŋgowulan k'Atambatun áwuwane ku kanokoor ne o. Kasokoroor uŋu kúnuutin tu butum bifeeneŋ bu ni káwuumu. Kújakuwe, buwarut bija iyu.

Káaleluf ámoomi naane sineemak. Toko ti meejakut mu meemo fu. T'eni i ti keemo fu, abe iŋi kítifen yo ereyi fe. Iŋi kítifan buroŋ bite b'úne fe ni sineemak séenuutina sambuun.

Bare mayet an afeeneŋ áyinie kajoku káalelufo. Káaleluf ajakut, abe yooŋ ábebaariit; aŋ'ahooj bib ni bíniw béeyinie kayoolu.

Kújakuwe, bakate ku t'aruun kiŋki kaliiken ésuk i kawarut kahooju, ábuki árimoomi kaanuku uni eliikena yite ésuk i, uni kajoonanee ahaŋ kaniŋu bakaaku.