Popular Bible Verses from Saak 1

Share

Kújakuwe, kikawuun kutoof dómbokun kane ariwar kajuku sílaam sánosan. Ábuki árimoomi kaanuku af'arijuk sílaam, abe n'arijok alitee ti káyilen koonuun, at'ariruuso hikee.

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat

Bare arinaŋ toko kikawuun karuusaate koonuun kéeyemi kite hiraanu, man n'áriyemi bakan keeyane faŋ ti bítim bu, doon fe itim dijahaluun.

Atum'ariraan ti kajamatan hirim hite Atambatun barebare, bare árihin yooŋ naane husoke i. Káhinaate iyu, n'aŋ'aribuut kikawuun.

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

kawunu fe keetoofe ni keejake, t'etiir tu buroon bondu búnuutina fu. T'Atambatun áwuwana ite meejaaŋe meeemo mu t'etiir t'ufu búnuutin béewanein. Atambatun áwayaariit, áwetekaariit yooŋ éehin ébaani.

Ábuki an eejame hirim hu, abe áhinut naane husoke i, ámoomi naane an eeemo tu bujukooro ti kaajukooreey, abe n'ajuk naane anokoore i. Af'ajukooro ahaban, n'aŋ'aja, abe n'aŋ'ahaŋ afiil naane anokoore i.

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

Ehol ite ake ef'eŋes káhinio eehoofoor, atum'aane: «Atambatun aŋes fee n'íñje.» Ábuki meejakut mu miyinaat kaŋesu káhinu Atambatun eehoofoor, abe akina humuumo áŋesaariit káhinu an eehoofoor. Wúfaŋi weejakut wu ufu wubuut an, abe nu wuŋes káhinio eehoofoor.

Akarjen eebajut, hikawo hutoof naane Atambatun ayito i.