Popular Bible Verses from Esuwif i 13

Share

Atum'árisik kikawuun arinaŋ ti sírirem. Kikawuun kutoof kep tu doon d'aribaje du, ábuki Atambatun aanaan: «It'iwasuun hikee, it'ífiitenuun yooŋ.»

Yesu *Kiris afeeneŋ u hukan, n'úmiye, bija yooŋ kuwaatu fe.

Náami huruw fe t'úne áyinooni kasoku ni hikaw heeyaŋge aŋ'aane: «Atemit, o af'áyokunanam, it'íkoleyi doon fe. Naŋ n'ake áyinie t'íñje?»

Atum'aŋ'arifiil káhinu kite meejake mu, abe n'aŋ'áriyokunanoor yooŋ, ábuki wusarah naane wondu ufu wutoof Atambatun.

Ko kireyi fe, úhin kaasarah kite kasokoroor Atambatun úŋaasann ko ti Yesu Kiris; aamo fu úsokoroor huruwu hite Atambatun.

Huruw fe aja áhin nu múniyo ti biseño bu: ániine u araan t'anaare u, anaare u yooŋ n'araan t'ániine u. Ábuki Atambatun kajoonan kiŋki kaŋot ti kaseñoorut, ni kiŋki kaŋot ni bakan ki kaseñeit.

Atum'arifiil kaanuku ariwarawar kajoku áwariee emoosoora i kiŋki kawanan t'aruun. Bakaake káhinahin iyu, ni kahaŋ kawanan tu boko emalaka ti kámeyiit.

Atambatun aa awun káasuumaay ku, abe n'aritan Anahaan ite úne Yesu t'eket i, aja awunuun sembe aŋ'aribin árihin meejake mu, man n'áriyini káhinu b'ámaŋie bu. Aja áhin t'úne burok beetoofo bu tu huruwu hite Yesu *Kiris, eeemo u ahaawa ómbokun ite síkarniina su. Halan hite *kaasarah koone híkinineŋe fu *kaajamoor kéehabanaariit ku ni kisiiŋanee t'etut Atambatun nu kúŋgowulan ku. Yesu Kiris aja ákini kániku ku hiraanu! Amiin.