Popular Bible Verses from 1 Korent 12

Share

Búwejet bu buwunawun huruw fe t'úne bike bite káyokunan *kéeyilene ku fe.

Náami aruun arireyi fe árihinahin eni efeeneŋ, yeeemo i yite i Kiris, abe huruw fe t'aruun ajokoorajokoor te yo.

Doon difeeneŋ dite t'eni i ifi dibaj káseñji, baabu buroon fe n'aŋ'áseñji yooŋ te bo. Doon difeeneŋ nu dúmuuree, baabu buroon fe n'uŋu butoofan ne do.

Búwejet bu uŋu buwun ake káwasi ti báhamin; bo Búwejet bifeeneŋ bu nu buwun ake kámeyi báhamin. Bo Búwejet bondu bifeeneŋ bu nu buwun ake eebaj káyilen kómbokun, nu buwun ake sembe site karitan bakan kéesomute. Búwejet bu uŋu buwun ake sembe site káhinu buroon beehaŋe ésuk i kikaw, nu buwun ake sembe site kayiŋan báhamin bite Atambatun, nu buwun ake sembe site kakeetan bumbu búnuutin tu ñúwejet ñeejakut ñu, nu bumbu búnuutin tu Búwejet bite bu nu múniyo. Nu buwun ake sembe site káhamin ti kíhaminiin kuway, nu buwun ake sembe site káhandin kíhaminiin kondu.

Búwejet bifeeneŋ bu ifi bíhin ii bondu fe: huruw fe n'uŋu buwuno beewayee, naane tu hutoofe du bo.

kaanuku káwaajinoor itim kíyemi t'eni i. Buroon beeemo bu te yo fe uŋu búyokunanoor.

Buroon bu Búwejet bu bumbu buwun buwayawayo, bare Búwejet bifeeneŋ bu ufu buwun bo. Ñurok ñu bija t'Atambatun ñuwayawayo, bare Anahaan afeeneŋ u uf'úrok bija te o. Bifehe bu yooŋ buwayawayo, bare Atambatun afeeneŋ u áhine fu bo bireyi fe bija t'úne úreyi.

Iye a Atambatun asiiŋane fu *kéeyilene ku: *epotor i kaamo fu étiyar i; *eyiŋana yite Atambatun ni káyemi ésooboriyan i; kiŋki kaliiken ésuk i mite m'Atambatun ni káyemi éhaajiyan i; kiŋki káhin beehaŋe bu ésuk i kikaw ni kásein; kanuut toko náami keebaje ku sembe site karitan bakan kéesomute; kahaban náami kiŋki káyokunan ésuk i; kanuut toko náami kiŋki káwuforoor bakaaku buroon bi kaware bu káhinu, abe n'atik áami kiŋki káhamin ti kíhaminiin kuway.

Eni i, dóoniit difeeneŋ d'ebaje fu, ebajabaj buroon beehooje.

Bondu biyinaat kabaju, ábuki buroon bite bu t'eni i b'újoke bu naane beehaŋe bu kábajaati sembe fe bibajabaj éñjeriŋ yómbokun.

Kane eni i ereyi fe éyemi díkin, buŋ fíya b'eja fu káhinu eŋ'ejam? Arko yo ereyi fe éyemie fu káakondin, buŋ fíya b'eja fu káhinu eŋ'ejam haaw? Náami Atambatun asiiŋanasiiŋan t'eni i buroon bu fe naane ámaŋie i. Arko eni i fe éhineehin nu doon difeeneŋ taŋ, man eenee eni!