Popular Bible Verses from 1 Korent 11

Share

H'aamo hu yooŋ kañoofaa éhijiima i kahaban, n'ásik ekot ite ébiñ i abe n'aane: «Diye ekot yéewufoore i *kaajamoor kíyeni ku keeja ku kabaju t'etut Atambatun ni bakan koone, halan húuma heeja hu búyuuso héekinineŋ. Híhinin fe h'árihujee te yo, árihin bo kaanuku áriibaŋinaam.» Ábuki híhinin fe h'ariteŋe humburu honde, abe n'árihujo t'ekot yende, áriwufoora kaanuku Anahaan u aketaket, abe bondu bija yooŋ kóyin k'ábatikein ku.

Bonde bi kaliikenam fu béenuutina bu t'Anahaan u, abe íwufooruunwufoor bo yooŋ: Anahaan u Yesu, káajiim ki kajooheno ku, ayitayit humburu abe n'aane Atambatun eyeehen. Ahaban, n'afiitar ho abe n'aane: «Diye eniam y'ísike i isaan bija t'aruun. Aŋ'árihin iye kaanuku áriibaŋinaam.»

Huruw fe ajab ajuker hikawo jak, ahaban n'ateŋ tu humburu hu, abe n'áhujo t'ekot i. Ábuki an af'ateŋ tu humburu hu, n'áhujo yooŋ t'ekot i, abe ayinoorut eni yite Anahaan u, an ondu anoŋka éehin Atambatun eekufoo.

Iŋ'ite ho aamo fu an af'ateŋ tu humburu hu mateŋar mite kafuñatan Anahaan u, man yooŋ n'áhujo t'ekot i mo mifeeneŋ mu, atina t'eni yite Anahaan u, ni halan hoone yooŋ.

Arineefan t'íñje naane íñje yooŋ ii ineefan ti Kiris.