Popular Bible Verses from 1 Korent 13

Share

An af'ámaŋi an, an ondu ámuña, ajakajak dómbokun, áhiñanaariit, ámakaariit, áyitooraariit; áhinaariit doon déefuñinanie, áyinooraariit uŋu hoone hu barebare, áyiŋataariit, ájokaariit an t'eholo.

Kámaŋi an aŋ'áhin an u n'ámuñ tu doon areyi fe, n'áyilen abe n'ayakar ko kireyi fe, abe n'ájokumooro tu doon areyi fe.

An af'ámaŋi an, hikawo hútoofaariit ti meejakut mu, bare uŋu hutoof tu múniyo mu.

Náami muroon míhaaji monde mibaa káyemi: káyilen ku, n'eyakar i, ni kámaŋi ku. Bare doon deehaŋe du tu muroon mondu deemo fu kámaŋi ku.

Kámaŋi áhabanaariit hikee. Kayiŋan ku tu huruwu hite Atambatun bibin kawasu, káhamin ku ti kíhaminiin kuway bibin yooŋ kawasu, káwufoor kite ésuk i kámeyi kite buroon bite Atambatun bibin karaan yooŋ.

If'iŋ'íhamin kíhaminiin kite kúŋgowulan ku, ni kite emalaka i, abe bare kámaŋi an kunooto t'eholam, anokooreenokoor kite íñje éyifu yeeemo ti kafiiŋan, man yooŋ ejiliŋ.

If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus.

If'iŋ'ísik ebaj íima fe íruboor keebajut ku, abe n'ísik yooŋ eniam isaan yéesufee, abe bare kámaŋi an kunooto t'eholam, bondu iti bíñjeriŋam.

Íñje añi u, iŋ'íhamin naane añi, n'iyinoor naane añi, n'ínandin yooŋ naane añi. Bare h'ibine hu íhin faaf, iwasawas buroon bite hiñiaate hu.