Popular Bible Verses from Filiipu Siè 4

Share

Ɛ́ mí bí lɛ́ nɛ mi kuò ɛ̀ hè bòo dɔ̀ hũn wɛ̀. Kɛ́ bòo míkùi hũn, ɛ́ mí wóò hɛ̃un Dɔfĩn ɛ̀ ɓɔ́nɓɔ́ní Hɔ̀ ǹ. Kɛ́ mí ɛ́ dòo dɔ̀ ɛ̀ cɛ̀, ɛ̀ mì lɛ́ nɛ Dɔfĩn dũń hɔ́ hũn, ɛ̀ mì wóo dé pehɔ̀ bɛrikɛ.

Ɛ́ Dɔfĩn hũn-wiɛ̀ lɛ ɛ́ pɔ nìnbírɔ bɔ̀dũmunù míkùi ɛ́ ɓén lɛ́ ɛ́ mí tĩɛ̀ àá mí nùnlé ɛ́ cɛ dìń ɔ́ Yiezu Kirisa ǹ.

Kìe zɛ̀ɓɛ̀, ɛ̀ dàá víeníkɛ, ɛ́ bòo míkùi lɛ ɛ́ iè hɔ̀ bɔ̀berà, àá bòo míkùi lɛ ɛ́ fɔ́ɓán àá mɛ̀ndɛ̃rɔ́, àá bòo míkùi lɛ ɛ́ cã̀aní, àá bòo míkùi lɛ ɛ́ ce, àá bòo míkùi lɛ ɛ́ ɓɛ́ nìnbirìe ɛ́ dɛ̀ ɛ́ wɛní, àá bòo míkùi lɛ ɛ́ ɓɛ́ nìnbirìe ɛ́ wóò tɛ̀ bòo, lɛ iè bòo lɛ ɛ́ sãa ɛ̀ hɔ̀ lò fɔ́ɓán àá ɓàanírɔ́ iè pe ɛ́ mí wóo nùún bòo.

Ɛ́ ń dɛ̀ hɔ̀pe sí míkùi ɛ́ wóò wé, à Kirisa lɛ ɛ́ te hɔ pànkɛ́ ɛ́ wóò lɛ́ mi ǹ bòo hũn.

Ɛ́ mí wóo wɛní míte fúu mì ńcɛɓánlɔ́ àá ɔ́ Ɲunsɔ bòo hũn, ɛ́ nin bĩní tĩ̀iní hɔ́, mì wóo wɛní míte.

Ɛ́ ké Dɔfĩn lɛ te hɔ yírɛ́ bɔ̀kuì ɛ́ dàa ɛ́ lɛ́ hɔ́ bòo lɛ ɛ́ yèrɛ miɛ ǹ míkùi, mì ńcɛɓánlɔ́ àá Yiezu Kirisa bòo hũn.

Ɛ̀ hɔ́ bòo lɛ ɛ́ mí kerɛnin niǹ viì àá hɔ́lɛ ɛ́ mí yú niǹ viì, hɔ̀ bòo lɛ ɛ́ mí ɲɛ́ niǹ viì àá hɔ́lɛ ɛ́ mí mɔn kɛ́ nìń wé iè pe ɛ́ mí wóo vɛ bè nin. Ɛ́ Dɔfĩn lɛ te le hũn-wiɛ̀ ɛ́ wóò lɛ́ ɛ́ ɓén kań àá miɛ.

Ɛ́ mí lɛ́ nɛ mi sãamu ɛ́ ɓɛ́ nìnbirìe ɓɛ́kùi ɛ̀ mi. Ɲunsɔ ɓenlɔ́ ɛ́ lúwi.

Ń dũ bòo lɛ ɛ́ ɓɛ́ wóo nɛ bòo ɛ́ yèrɛ nìnbírɔ ǹ, ɛ̀ lò dũ bòo lɛ ɛ́ ɓɛ́ wóo nɛ nìnbírɔ ɛ́ dàa yírɛ́ bɔ̀kuì. Ɛ́ viì míkùi àá bòo míkùi hũn, ɛ́ ń dũ bòo lɛ ɛ́ ń dàa sãawi ɛ̀ ǹ wóo dí, lɛ kɛ́ díe bɔ̀kuì ɛ́ dàa ɓen wi, ɛ̀ ǹ lò dũ bòo lɛ ɛ́ ń dàa sãawi ɛ̀ ǹ hĩ̀ niǹ hũn, lɛ kɛ́ hɔ́ dàa ɓen iè hĩni ɛ́ temu wi. Ɛ́ ń ɓen ɛ́ dàa bòo bɔ̀kuì, ɛ̀ ǹ dũ niǹte dàarɔ́, ɛ̀ ǹ lò ɓen bòo dɔ̀ mí, ɛ̀ ń lò dũ niǹte dàarɔ́.

Hɔ̀ yí bòo ɛ́ bòo ɛ́ pɔ mi ɛ́ ń dàa ɛ́ bie kɛ̀amu wɛ̀; iè hɔ̀ lɛ ɛ́ hɔ́ bòo lɛ ɛ́ ń kerɛ nin iè hɔ̀ lɛ ɛ́ hɔ́ bòo lɛ ɛ́ ń dàa ɛ́ wóò yí mi.