Popular Bible Verses from Hebereɓɛ 13

Share

Mì bí lɛ́ nɛ hɔ̀ màa wɛnírɔ́ ɛ́ teń mí bɔ̀werà híɛhɔ́ ɛ̀ dí wɛ̀. Mì wóo lɛ́ nɛ hɔpe lɛ ɛ́ mí dàa ɛ̀ yí miɛ, iè hɔ̀ lɛ ɛ́ Dɔfĩn míte ǹ ɛ́ den bie nɛ làa: «Ń yá ɓén fùansí kɔ ǹ, ń yá pĩ́ kɔ ɛ́ tɛ́viɛní ɛ́ yá mí wɛ̀.»

Yiezu Kirisa iè pe dɛ̃̀ mí dĩ̀nlɔ́ ɲuhṹ àá zoòni àá pɛ̃̀hṹ lɛ yá vé hũn.

Ɛ́ sí iè hɔ̀pe ɛ́ ké dàa ɛ́ dɛ̀ bie kɛ ké fɔnù tɛ́rɛ nɛ: «Ɲunsɔ ɛ́ iè nin yíinírɔ ɛ́ ń wo yá bòo dɔ̀ ɛ̀ zán wɛ̀. Á nìnbírɔ ɛ́ wo iè ńɓùo á dɛ̀ ɛ́ wé àá mi?»

Mì bí wóo nɛ mi hũn ɓé hɔ́ bɔ̀tente wénlɔ́ àá hɔ́ ńyíiníɓán wɛ̀; iè hɔ̀ lɛ ɛ́ sí iè pe miyiɛ́ lɛ bòo tĩ Dɔfĩn.

Ɛ́ mí nɛ ke bì-è pe Yiezu ǹ ɛ̀ dàá wóo ɓàaní Dɔfĩn fúu, sí ɓiɛ̀ iè pe kè miyiɛ́, iè bòo ɛ́ ɓɛ́ nɛ ke ɲihĩ́ɛ ɛ̀ wóo hóoní piè yèrè.

Nɛ hɔ yaamu ɛ́ mípe míkùi ɛ̀ wóo mɛ̀ndɛ̃, ɛ̀ nɛ a bɛ́rɔ cã̀aní mí ɲún àá ɓá hṹnu à hṹnu ɛ̀ ɓiɛ̀ cã̀aní mí ɲún àá ɓá bɛ́rɔ, iè hɔ̀ lɛ ɛ́ ɓɛ́ ńdaaníkɛɓánkũǹ nìɛ àá ɓɛ́ hɛ̃́fériè àá ɓɛ́ bɛ́fériè ɛ́ Dɔfĩn ɛ́ ɓén lè liè.

Mì bí nɛ mí hũn ɛ̀ ɓé ɓɛ́ nɛ̀hãà peninlɔ́ ǹ wɛ̀. Hɔ̀ lɛ ɛ́ ɓɛ́dɔ̀ mì tĩ́ihṹ ɛ́ wóò penkɛ ɓɛ nɛ̀hãà ǹ, ɛ́ ɓɛ́ perɛ mɛlɛkɛɓɛ ǹ kɛ́ ɓɛ́ yí dũń hɔ́ wɛ̀.

Dɔfĩn hũn-wiɛ̀ ɓàasɔ ɛ́ vìeniɛ kè Ɲunsɔ Yiezu ɛ́ líeniɛ hɔ̀ húmú hũn, á wo wɔ́ á pisierɔ wì-bɛhɔ́ piè cãani lɛ koosí ɛ́ wɔ́ lé miyiɛ́ bòohũn, hɔ̀pe cãani lɛ ɛ́ te le Dɔfĩn ɲɛbíi lɛ ɲún yí dɛ̀ yá ɓé ɛ́ bɔ̀sí. Ɛ́ nɛ hɔpe Dɔfĩn sɔ ɛ̀ lɛ́ ɛ̀ mì wóo dàń hɔ́ bɔ̀tente míikùi ɛ̀ wé, ɛ̀ dàá wóo wé pehɔ̀ tĩi bòo. Nɛ Hɔ bì-è pe Yiezu Kirisa ǹ ɛ̀ dàá wé bòo lɛ ɛ́ Hɔ́ wɛ àá kie, ɛ̀ nɛ hɔ ɓàarɔ́ bòo ɛ̀ sĩ̀-ɛ pe Yiezu ǹ pɛ̃̀hṹ lɛ yá vé hũn! Amiina.