Popular Bible Verses from Hebereɓɛ 12

Share

Ɛ́ hɔ ɓen kɛ́ képe, ɛ̀ ɓɛ̀ miikɛ nìnbí-kuì lɛ bɔ̀ ɓɛ́ tĩɛ̀ Dɔfĩn lɔ̀n ɛ́ kíríkɛa kie ǹ ɛ́ lè wṹn ɛ̀ zɛ̃́ní. Ɛ́ mí nɛ ké fùansí hɔ́ tìerɔ́ lɛ ɛ́ wóò lɛ́ ɛ̀ kè yá vɛ yínin, ɛ̀ kè fùansí hɔ́pe bɔ̀koohɔ́ wénlɔ́ lɛ wóò fùa fùa kɛ́ hɔ́ ɛ́ ɓɛrɛ can dɛ̃̀ kiè ǹ, ɛ̀ kè cɛ ke kuò ɛ̀ zè hɔ̀ khã̀a lɛ ɛ́ Dɔfĩn nɛ ke zè. Ɛ́ mí nɛ ke húi àá Yiezu viì, kè ńdɛsĩ̀nlɔ́ ɛ́ lé àá piè viì, àpe ɛ́ temu mii lɛ́ ɛ̀ hɔ̀pe kè ńdɛsĩ̀nlɔ́ ɛ̀ dàá be. À tɛ̀ ɛ́ húrun lè ɓáalén dãanù lɔ̀n kɛ́ á yí húi lé lùwiè lɛ ɛ́ wi hɔpe húmú sí ɓà ńmàa hũn, iè hɔ̀ lɛ á hṹn loo le tĩwiɛ̀ lɛ bòo ɛ́ sɛ̃̀ à ǹ pehɔ̀ máahṹ. Ɛ́ kɛ̀a sáalɛ á wo kɛsí Dɔfĩn bɛ́záanú wànlè ńdóonín.

Ɛ́ ɓɛ́ ɓen ɛ́ kè ɲɛkɛ̃̀a ɛ̀ vɛ́ ké bénlɔ́ hũn, ɛ̀ mí làa hũn ɛ̀ hɔ̀ yáà wé tĩwiɛ̀ kɛ́ hɔ́ den wóò wé tĩ-yaarè. Kɛ́ pehɔ̀ máahṹ, ɛ̀ ɓɛ̀pe lɛ ɛ́ ɓɛ́ bɔ́ kɛ̀a hɔ̀ ɛ́ den wo yí pehɔ̀ tũ̀nú, lɛ iè lè hũn-wiɛ̀ àá hɔ́ cã̀anírɔ́.

Lè hũn-wiɛ̀ iè pe ɛ́ mí wóo cɛ̀ nɛ le kań mípe àá ɓɛ́ nìnbirìe lɛ kɛ́ ɓɛ́kùi tĩ́ihṹ, ɛ̀ mì lɛ́ nɛ mi mɛkɛ̃nì míkùi ɛ̀ bòo ɛ̀ sɛ̃̀ Dɔfĩn. Kɛ́ dàa bòo mí ɛ́ nìnbírɔ dɔ̀ ɛ́ yí dɛ̀ Ɲunsɔ ɛ́ yá mi.

Ɛ́ mí síɛ liení-ɛ pe Yiezu bòo lò; mì húi bòo lɛ ɛ́ ɓɛ́ bɔ̀konwériè dàa pɛ̃́ piè bòo kɛ́ á pɛ́wi hɛ̃̀ mí hũn, bòo lɛ ɛ́ wé ɛ̀ mìpe ɛ̀ dàá bí fùansí míte ǹ nɛ hɔ tanɓiì ɛ̀ tìení mí bàanì wɛ̀.

Ɛ́ hɔ́ lɛ ɛ́ Dɔfĩn ɛ́ wo ɛ́ lè bɛ́záanú lɛ ɛ́ yáà zɛ̀kɛ ɛ̀ lɛ́ kie ǹ, ɛ́ mí nɛ ké dé pehɔ̀ bɛrikɛ, ɛ̀ kè tɛ́ pehɔ̀ tɔnlɔ́ kɛ̀a bòo lɛ ɛ́ Hɔ́ wɛ, ɛ̀ kè ɲí pehɔ̀ bòo ɛ̀ kè lòo zán Hɔ́.

Ɛ́ mí wóò hĩ̀ mì hũn lè sɛ̃́ɲíi hũn, sí iè pe ɛ́ Dɔfĩn ɛ́ wóò bé mí nìɛ kɛ̀amu. À iè ɔ̀ yàá hɔ́sɔ ɛ́ temu yáà bé mí yɛ̀nù?

Iè hɔ̀ lɛ ɛ́ ké Dɔfĩn ɛ́ dɛ̃̀ kɛ̀a ie dũń lɛ wóò cĩ̀níkɛ bòo sí.

Kìe yàáɓɛ́ ɛ́ hṹn wóò vɛ́ ké ɲɛkɛ̃̀a kè bénlɔ́ hũn pɛ̃̀hṹ dìkíndíɛ hũn, ɛ̀ ɓáaníɓán àá bòo lɛ ɛ́ ɓɛ́ nɛ hɔ sãa. Kɛ́ Dɔfĩn pe wóò wé hɔ́ kè sãàrɔ́ bòo hũn, ɛ̀ kè dàá dìń kɛ̀a Hɔpe, ɛ̀ bòo ɛ̀ hɛ̀ sɛ̃̀ Hɔ̀ hĩ́ɔɔn.

Ɛ́ bòo lɛ ɛ́ mí dàa ɛ́ hɔ̀ sɛrɔ́ ɛ̀ sɛ àá hɔ́ bɔ̀koohɔ́, ɛ́ mí ɲɛùn yí sɛ fúu ɛ̀ vɛ dɛ̃ hɔ́ húmú lò!