Popular Bible Verses from 1 Zãn 4

Share

Ɛ́ záahĩ́ ɛ́ mínɛ wanminu hũn wɛ̀; kɛ́ lé wanminu lɛ ɛ́ ɲunù tú ɛ́ wóo ɲɛ hɔ záahĩ́. Nìnbírɔ lɛ ɛ́ zánkɛ iè wìe lɛ ɛ́ dũ kɛ́ fɔ́ɓán à lɔ̀n ɛ́ ɓén be. Ɛ́ nìnbírɔ lɛ ɛ́ zankɛ ɛ́ pe yí dàa wanminu lɛ ɲunù tú wɛ̀.

Mìpe niǹ nìɛ, mìpe bòo ɛ́ sɛ̃̀ Dɔfĩn, ɛ̀ mì yú hɔ́ pànkɛ́ ɓɛ́pe ɓúo bɔ̀háaníriè lɔ̀n, iè hɔ̀ lɛ ɛ́ lépe Mɛkɛ̃ni lɛ ɛ́ wi miɛ ǹ ɛ́ den pànkɛ́ wi pɔ le lɛ ɛ́ wi ɓɛ́ dímíɲɛ́ nìɛ ǹ.

Ɛ́ hɔ́ ɓen iè képe, ɛ̀ kè wɛ Dɔfĩn àá ɓɛ́ nìnbirìe iè hɔ̀ lɛ ɛ́ hɔ́pe Dɔfĩn ɛ́ temu dú híɛhɔ́ ɛ́ wɛníɛ kie.

Kìe nìɛ lɛ ɛ́ ń wɛ, mì nɛ ke wɛní ɓán kèpe àá ké nì-cóohɛ̃ iè hɔ̀ lɛ ɛ́ lé wanminu ɛ́ lé àá Dɔfĩn viì. Ɛ́ nìnbírɔ lɛ ɛ́ wɛ ɓá ńkɔhĩ́ ɛ́ iè nìnbírɔ lɛ ɛ́ tɔn lɔ́ Dɔfĩn à lò dũ Dɔfĩn.

Ɛ̀ nìnbírɔ lɛ ɛ́ yí wɛ ɓá ńkɔhĩ́ ɛ́ yí dũn Dɔfĩn wɛ̀; iè hɔ̀ lɛ ɛ́ Dɔfĩn iè wanminu ɓàasɔ.

Ɛ́ lépe wanminu sɔ ɛ́ den iè lè lɛ: hɔ̀ yí képe ɛ́ te Dɔfĩn ɛ́ wɛniɛ wɛ̀; kɛ́ hɔ́pe Dɔfĩn ɛ́ te kepe ɛ́ wɛniɛ ɛ́ Hɔ́ dàa tɔniɛ mí Zuú á ɓɛrɛ lɛ́ míte ɛ́ ɓɛ́ ɓɔ́ ɛ́ dàa tiɛ kè bɔ̀koohɛ̃ ɛ́ lɔ́ ké lɔ̀n.

Kìe nìɛ lɛ ɛ́ ń wɛ, kɛ́ Dɔfĩn ɛ́ ɓen wɛniɛ kie cɛ̃̀un kɛ̀amu, ɛ̀ kèpe ɛ́ ɓiɛ̀ sãawi ɛ̀ kè wɛní ɓán kèpe àá ké nì-cóohɛ̃.

Ɛ́ lɛ iè hɔ̀ bòo lɛ ɛ́ Dɔfĩn ɛ́ wɔ́ ɛ́ dàa zɛ̃́niɛ mí wanminu kie ǹ: Hɔ̀ ɛ́ tɔniɛ mí Zu-cóoní á ɓɛrɛ lè dímíɲɛ́ hũn bòo lɛ ɛ́ wé ɛ̀ kè yí lé mɛkɛ̃nì piè yènsénín.

Kɛ́ nìnbírɔ ɛ́ nɛ mípe ɛ́ wɛ Dɔfĩn kɛ́ á lò den hɛ́rɛ ɓá ńkɔnù, ɛ̀ ɓàasɔ ɛ́ iè ɓɔ́-ɓúukɛ. Iè hɔ̀ lɛ ɛ́ nìnbírɔ lɛ ɛ́ yí wɛ ɓá ńkɔnù lɛ á loo àá mí yìe ɛ́ yí dɛ̀ Dɔfĩn lɛ á yí loo àá mí yìe ɛ́ yá wɛní wɛ̀.

Ɛ́ nìnbírɔ lɛ ɛ́ tɛ̀ dũ ɛ́ bie nɛ Yiezu ɛ́ iè Dɔfĩn Zuú, ɛ̀ Dɔfĩn ɛ́ wi àá ɓàasɔ, ɛ̀ ɓàasɔ ɓiɛ̀ ɛ́ wì àá Dɔfĩn.

Ɛ́ lɛ iè lè ɲunù bienù lɛ á Kirisa ɛ́ lɛ́ kie ǹ: à nìnbírɔ lɛ ɛ́ wɛ Dɔfĩn ɛ́ lò ɓiɛ̀ fɔ́ɓán à wɛní ɓá ńkɔnù.

Kìe nìɛ lɛ ɛ́ ń wɛ, mì bí wóo dɛsĩ̀ ɓɛ̀ nìnbirìe ɓɛ́kùi lɛ wóò bie nɛ ɓɛ́pe ɛ́ dàa le Mɛkɛ̃n-Sãanu wɛ̀. Kɛ́ mí den wóo hàaní ɓɛ́ húi ɛ̀ dàá dũń kɛ́ lépe mɛkɛ̃nì lɛ wi ɓà ǹ ɛ́ dàa ɓen ɛ́ lé àá Dɔfĩn viì; iè hɔ̀ lɛ ɛ́ ɓɛ́ ɓúo bɔ̀háaníriè bìkuì ɛ́ wo hĩ́nà tú lé dímíɲɛ́. Ɛ́ lɛ iè bòo lɛ ɛ́ mí wóo mii dàá dũń lé Dɔfĩn Mɛkɛ̃ni: nìnbírɔ yée nìnbírɔ lɛ ɛ́ tɛ̀ ɛ́ dũnɛ nɛ Yiezu Kirisa ɛ́ ɓɛrɛ siɛ wɔ́ nìnbírɔ, ɛ̀ Dɔfĩn Mɛkɛ̃ni ɛ́ wi ɓàasɔ ǹ.

Ɛ̀ nìnbírɔ lɛ ɛ́ yí tɛ̀ ɛ̀ dũń kɛ́ Yiezu ɛ́ ɓɛrɛ siɛ wɔ́ nìnbírɔ, ɛ̀ lè mɛkɛ̃ni lɛ wi ɓàasɔ ǹ ɛ́ yí lé àá Dɔfĩn viì kɛ́ á iè Kririsa ɓà ńbíyanle mɛkɛ̃ni ɛ́ temu wi ɓàasɔ ǹ, àpe Kririsa ɓà ńbíyanle lɛ ɛ́ mí ɲɛ́ kɛ́ ɓɛ́ nɛ a vaá-ɓen, á lò yɛ̀rɛ́ zĩ̀níkɛa wi lepe dímíɲɛ́ hũn vɔ́.