Popular Bible Verses from 1 Zãn 3

Share

Niǹ nìɛ, mí bí nɛ ke wɛní ɓán àá ɲunù àá mí bentĩɛ̀ bierɔ́ mí dòonún wɛ̀; kɛ́ mí nɛ ke wóo wé bòo lɛ ɛ́ zɛ̃́ní kɛ́ ké hɛ̀ wɛ ɓán àá bɔ̀bín.

Ɛ́ lɛ iè hɔ̀ bòo lɛ temu lɛ́ ɛ́ ké dàa dũ le wanminu: Yiezu Kirisa ɛ́ lɛ́ mí mɛkɛ̃nì kè bòo hũn. Ɛ́ képe ɛ́ ɓiɛ̀ sãawi ɛ̀ kè tɛ̀ ɛ̀ lɛ́ ké mɛkɛ̃nì kìe zɛ̀ɓɛ̀ bòo hũn.

Ɛ́ mí wo húi bòo lɛ á Yàá ɛ́ dàa hɛ̀ wɛniɛ kie! Piè wanminu ɛ́ lɛ́ ɛ́ ɓɛ́ wóò ve kie nɛ Dɔfĩn nìɛ, ɛ́ ké lò ɓiɛ̀ iè ɓɛ̀pe àá bɔ̀bín. Kɛ́ ɓɛ́ dímíɲɛ́ nìɛ ɛ́ den yí dũ kɛ́ ké iè Dɔfĩn nìɛ wɛ̀; iè hɔ̀ lɛ ɛ́ ɓɛ́ den yí dũ hɔ pe Dɔfĩn lɛ iè kìe Yàá wɛ̀.

À nìnbírɔ lɛ wóò pɛ mí híɛhɔ́ à wé hɔ́ bɔ̀koohɛ̃ ɛ́ bòo sɛ̃̀ Sitũanɛ ǹ, iè hɔ̀ lɛ á Sitũanɛ ɛ́ temu ɛ́ hɔ̀ bɔ̀koohɛ̃ ɛ̀ wé ɛ̀ vɛ mìí àá hɔ́ bòo míkùi fĩ̀i ɓánlén. Á Dɔfĩn Zuú ɛ́ den ɓɛrɛ ɛ́ mii ɓen yáakɛ a Sitũanɛ bòo lɛ á wóò wé míkùi.

Nìnbírɔ lɛ ɛ́ wɔ́ Dɔfĩn yɛ̀nù ɛ́ pe yáà bĩní wé bɔ̀koohɔ́ wɛ̀, iè hɔ̀ lɛ ɛ́ Dɔfĩn mɛkɛ̃nì ɛ́ wi è ǹ, á wo yí dɛ̀ bɔ̀koohɔ́ ɛ́ yá bĩní wé iè hɔ̀ lɛ ɛ́ Dɔfĩn ɛ́ iè ɓà Yàá.

Kɛ́ nìnbírɔ dɔ̀ lɛ ɛ́ dàa le dímíɲɛ́ yírɛ́ bɔ̀kùi ɛ́ loo ɓá zuú dɔ̀ lɛ ɛ́ hɔ́ bòo ɛ́ pɔ, kɛ́ ɓà zuú sɔ miinɛ̀ ɛ́ yí ɓaà ɔ̀, á wo wiɛ dàa ɛ́ dɛ̀ ɛ́ bie nɛ mípe ɛ́ wɛ Dɔfĩn?

Álɛ kɛ́ á ɓɛ́ɓɛ́a lèpe Dɔfĩn ɲunù tɛmu ǹ, ɛ̀ ɓàasɔ ɛ́ can dɛ̃̀ hɔ̀pe Dɔfĩn, ɛ̀ Dɔfĩn ɛ́ ɓiɛ̀ wi àá ɔ́. Ɛ́ lɛ iè hɔ̀ bòo lɛ temu lɛ́ ɛ́ ké dàa dũ kɛ́ Dɔfĩn ɛ́ wi àá kie: hɔ̀ den iè lè Mɛkɛ̃n-Sãanu lɛ ɛ́ hɔ́ ɛ́ lɛ́ kie ǹ bòo hũn.

Ɛ́ lɛ iè hɔ̀ bòo lɛ ɛ́ temu wóò lɛ́ ɛ̀ Dɔfĩn nìɛ ɛ̀ dàá dũń ɛ̀ lí-e Sitũanɛ nìɛ ǹ: Nìnbírɔ íe nìnbírɔ lɛ ɛ́ yáà wé bòo lɛ ɛ́ cã̀aní à lò ɛ́ yí wɛ ɓá ńkɔnù ɛ́ bòo ɛ́ yí sĩ̀ Dɔfĩn wɛ̀.

Ɛ́ lɛ iè lè bienù lɛ ɛ́ mí ɲɛ́ àá pehɔ̀ fìi ɓánlén: Mì nɛ ke wɛní ɓán kè kùi àá ké nì-cóohɛ̃.

Kìe zɛ̀ɓɛ̀, kɛ́ ɓɛ́ dímíɲɛ́ nìɛ ɛ́ ɓen hɛ́rɛ miɛ, ɛ̀ mì bí nɛ hɔ yòokɛ mi lɔ̀n wɛ̀.