Popular Bible Verses from ESAY 59

Share

Ama caa nen ɓay go de Baa ɓayn diŋ debaycõõre ɓayn wo, yoŋ nen ɓe go ne nday diŋ ɓlagge ɓayn wo, day saara maŋ jag ɓe go ga á mo coʼ sug ɓay wa.

Cwãy, doo Manwur bay go de kolge de godogray ga yãã jobo go gà so has nà wa, sug ɓe bay go de ndiŋgi has ga laa tosge gà so wa lay.

Manwur wãã ga : Mokay diŋ tayge jag ɓi de ɓaara no : Nenterse ɓi maga de hayle ti ɓo mo lay, wããre ɓi maga ndi hã ra mo jag mo lay, sen taw ge wo go jag ɓo gà lay, go jag weere ɓo wo gà lay, go jag jar ni weere ɓon wo gà lay. Wããn diŋ Manwuri, patala tuu day go ma tum tuu lay.

À hẽẽ ge ɗúu Manwur yaŋ le nen wur bolaw hãã, à hẽẽ ge togoɗge ɓe yaŋ le nen wur botoŋ hãã lay. De maga je heen a ge we doo maarog ma de pããgen no, Nenterse Manwur haw ge nen ɓe yaŋ wo go.

Je coo jar yaŋ le de age wer Siyoŋ wo de jar ni Jakob maga men wo joŋ debaycõõre ɓaaran wo go mono. Kay diŋ jag Manwuri.