Popular Bible Verses from ESAY 60

Share

Ur go ciŋ, see mbo sag so werga poɗag ɓon naa nen we go, day togoɗge mani Manwurn go de naage ne ndo ti doo wur nono.

Wer jar see ge wo yaŋ nen poɗag ɓo, mayre see ge wo yaŋ nen ngel maga ndo lern go doo waa no mono.

Koɗa suŋgu go de ɓoʼge ne tamsir ti ɓuy, wer jar ɓuy wo go nen suŋgu, ama ma ɓo Manwur naan le go ti ɓo doo wur nono, togoɗge ɓen tee ngel go mo ti.

Jar ma mbag ma yoo ɓaaran tes ge wo yaŋ ndare, maga sen go blam taw kol ge yaŋ diŋ wer jar ma de egren wo. Ndi Manwuri, ndi joŋ ge fẽẽre sen wo yaŋ go deparday ti wur ɓaara.

Ler ge ngel go ne ndo ti nen ngel ma de cegn bay diŋ wur wa so lay, tee ge ngel go de suŋ bay diŋ few wa so lay. Ama Manwur joŋ diŋ poɗag ɓo ma tum no, Baa ɓon joŋ ge diŋ je ler ngel mo ti no.

Wur ɓon leʼ ge go gesiŋ gà hase, few ɓon huu gi go gà lay werga Manwur joŋ ge diŋ poɗag ɓon ma tum day wur lawgen maŋ ge wo jag go.

De maga ndo ko ge ra mono, ɓil ɓo fug gi yaŋ go day suu gi yaŋ go wer maga à koʼ ge horog ma ciŋ ti maarogn wo yaŋ le go ne ndo mono, nen fẽẽre mani wer jarn kol ge wo yaŋ le go ni ɓo.

Raŋ nen go ti ɓo kara day ni ndo ko nen ɗala : Á wo go ɓuy de tayge see kããra, wo le de age see ɓo. Weere ɓon wo le de seege hãã tiʼ i, à le de hlag mayre ɓon wo yoo.

Jar sir ɓon joŋ ge wo diŋ jar ma keɗed wo ɓuy tuu, day saara yãã ge sirn yaŋ ma tum. Sen nà diŋ wer jar maga hay jaw wo day ndi hay lag ra go de el mono, diŋ joŋre maga ndi hay joŋn de doo ɓi ma hã togoɗge ne see ɓi mono.

À laa ge wããre yãɗge fẽẽre kããra de waŋ ɓil sir ɓon gà so hase. À laa ge ga à hay frum fẽẽre noga à ɓlag fẽẽre wo gà go ti jag haagu ɓon wo ɓuy. Ndo kaŋ ge ɗúu ne kor ɓon wo ga : Pẽẽge! Ne jag tiŋ ɓon wo ga : Togoɗge!

Jag faage ɓon joŋ ge wo yaŋ go de bulgi kaʼ kaʼ tum, à tẽg ge ra de ceg gà lay, de suŋ gà lay nen maga nen fẽẽre mani jar dehãyn mo laa wo le ni ɓo de waŋre ɓaaran wo wer ɓaara ɓuy.

Yoŋyoŋ yãã wo ɓil ɓo yaŋ go, manyoŋyoŋ ma ti sir Madiyaŋ wo de ma Efan wo lay. Jar ma ti sir Saba a ge wo yaŋ le ɓuy, horge ge wo boo biŋni wo de trusa wo yaŋ le ti ɓaara day togoɗge wo Manwur yaŋ go jag ciŋ kloŋ.

Weere waare fer ge wo yaŋ bor kor ɓon wo, waŋre ɓaaran joŋ ge wo yaŋ go diŋ weere jõõre ɓo wo. Werga, ndi hay mbar ndo de maga ɓil ɓi hay cee me ne ndo ti mono, ama ndi fer ko decoo ɓo wer ɓil de el ɓin lay.

À hay tob ndo go, jobo hay bay de sãy ɓo ti wa. Jobo hay bay heege ɓil ɓo wa ama ndi kol ge ndo yaŋ go diŋ ngel twore ma tum, diŋ ngel fruygi de kiŋgi de kiŋgi.

Ndo soɓ ge pãã jar dehãy wo yaŋ go, ndo jo ge jag wãã ree waŋre wo yaŋ go day ndo ko ge yaŋ ga ndi diŋ Manwuri, je yãã ndo no, je coo ndo le no, je egre mani Jakob no.