Popular Bible Verses from ESAY 58

Share

Manwur kaŋ ge nen ɓo yaŋ ti faagen tumtum, á wùu gi ndo yaŋ go tum ti ngel ma bay regen wo day hã ge egre yaŋ ne ndo ti hõõgese ɓo. Ndo joŋ ge yaŋ doo pay sugnee maga à kag bii wer ɓe nono, doo gutugri maga wo tum de bii ɓil nono.

Mokay diŋ hẽẽge bii maga sen coo jag ɓi mono : Pog see ɓo go jag hun no, naa jag jug go ne jar ma ti bon wo ti, men jar maga à de kaŋ cee ne hara ti wo go ti see ɓaara day daga à mo caa wer joŋge gebee jar ma honla ɓuy go. Ɓes hoole ɓon de je maga koŋne mono day yãã jar coo maga bay wo de duuli wa wo liŋ. Hayga ndo ko jobo we go glog koɗ no, ni ndo hee õõbe ne hẽn see day tob je maga diŋ kaw ɓo go wa.

Mo so no ni poɗag ɓon naa ge nen yaŋ go doo waa ma de jag toŋ nono, ni wããge ɓon rug yaŋ go deparday. Keɗedn see ge yaŋ pel ɓo, togoɗge mani Manwurn joŋ ge yaŋ le nen blam ɓo koɗ moge.

Mo so no ndo ɗe ge ɗúu yaŋ day Manwur yiŋ gi jag yaŋ ne ndo. Ndo ngar ge jag yaŋ day se wãã yaŋ ga : Ndi la! Hayga ndo caa wer joŋge gebee jarn we go ni ɓo, ndo caa wer mbarge jarn wo we go de wããre ma de koɗ koɗn wo

hayga ndo hã mo maga ndo dan de see ɓo we go ne je ma koŋne no, hayga ndo wùu je coon we go de rege no, poɗag ɓon naa ge yaŋ le go nen suŋgu no, suŋgu ma ti ɓon kol ge yaŋ go doo ngel ma ti wur ɗeger nono.

À fer ge yaŋ bor tabul ma ɓaaɓaan wo, à fer ge bor tiŋ wo ti ngel maga jar ma ti wurpon hay ɓoɗ wo wer ɓaara ni nà nen doo ɓo. À ɗe ge ndo yaŋ ga je reb ywaalen wo, je ferge ɓod faagen wo, je ferge lag jar ti sir no.

Hayga ndo ɗaw see ɓo we wur Saba ɓi no, ndo joŋ fen ɓo maga coo jag ɓo we ti wur ɓi ma bay ɗagn gà hayga ndo ko wur Saban we doo fen ma de woore, doo wur ma bay ɗag mani Manwur no, doo wur ma de togoɗge, day hayga ndo hoo sug we ti ɓe, ndo maŋ we diŋ blam faage ɓon gà ndo hã see ɓo we ne fen maga de cõõre jag ɓo gà lay, ne wããre ma de koɗ koɗn wo gà lay no, mo so no, Manwur joŋ ge yaŋ diŋ fen ma de cõõre jag ɓo no day ndi hoo ge ndo yaŋ wo go ti ngel ma de farge ciŋ ma ɓil sirn wo. Ndi hã mo ma rege yaŋ ne ndo diŋ fen maga pan ɓo Jakob hay menn mono werga jag Manwur hay wããn go.

Nday hẽẽ bii nà ma joŋ dekwãy de kããra, ma leɗ kããra, ma mbar jar doo hun ɓay no. Nday bay hẽẽ biin doo maga à joŋ ti wur ɓen nono day à laa jag ɓay le ciŋ lay nà wa. Á mbe mo nà diŋ hẽẽge bii maga ndi da seno noga mbe mo nà diŋ wur maga je táabay fer ti see ɓe mbe gesiŋ mo yawla? Á nà diŋ ga à mo jel ti gesiŋ tawa doo gusuri noga à mo suɗ ti tãy õõbe, go nen sããge mbe tawa tuu yawla? Á mbe mo nà diŋ maga ndo ɗe ga hẽẽge bii noga wur ma de cõõre jag Manwur mbe mo yawla?