Popular Bible Verses from ESAY 43

Share

Ko we, ndi de ma joŋ mo ma defay, á go patala de tĩĩ wer yaw, day nday bay de daʼ wer ne hẽn wa ɗa yawla? Ndi ɓoʼ ge faage yaŋ ɓil puuli no, ndi ɓod ge blam maarog ma de pããrege wo yaŋ ti laalen wo.

Ndo mo caa bà bii, ndi joŋ ge yaŋ de ɓo, ndo mo car bà maarog ma de pããrege wo, saara maŋ ge go mo ti gà. Ndo mo see bà nen wùu, ndo roɗ ge go gà day trum wùu saw ge ndo gà.

Manwur wãã ga : Fer we ɗig ti ti fẽẽre maga joŋ wo le go taŋgu mo wa, kaŋ we ti ti mo ma ɓaan wa so hase.

Patala Manwur maga hay joŋ ndo Jakobe, maga hay ʼwũy ndo Israyel wãã so ga : Joŋ hẽẽne wa werga ndi fer we le coo ndo, ndi hay ɗe ndo de ɗúu ɓo. Ndo diŋ ma ɓi.

Sen nà werga ndo diŋ fen ma de ɗúu nen ɓi, werga ndo diŋ mo ma de togoɗge, ndi da ndo. Diŋ wersen ndi hã jar téebeere wo go ti ngel ɓo, hã wer jar wo go maga ndo mo gwaʼ tenene.

Werga ndi diŋ Manwuri, Baa ɓo no, je yãã moge no. Ndi hã Ejipte go coo ti ɓo, hã Etiyopi wo de Seba go ti ngel ɓo.

Joŋ hẽẽne wa werga ndi yaŋ de ɓo. Ndi fer ge jar ni ɓo ma nen wur botoŋ wo yaŋ le day ndi tay nday yaŋ le nen nen wur bolaw.

Diŋ ndi, ndi tag debaycõõre ɓon wo go wer dage ma ɓil ɓi no, ndi fer ge ɗig ti ti ɓlagge ɓon wo gà so.

Jar sedewa ɓin wo diŋ nday. Kay diŋ jag Manwuri, diŋ nday de we jõõ ɓi maga ndi hay hoo nday mono, nen maga nday mo ko ne, nday mo hã ɓil ne ndi day nday mo laa wer ɓe so ga á diŋ ndi. Go taŋgu ɓi baa po hay bay de joŋge wa, go blam ɓi baa ma tigriŋ joŋ ge gà lay.

Diŋ ndi, ndi diŋ Manwur no, go faale ɓi je yãã jar ma tigriŋ bay wa so.

Ndi diŋ Baa le go taŋgu maga à tĩĩ wer kee naw mono, jobo maga yãã kẽẽ go doo ɓi bay wa. Ndi joŋ ge mopo yaŋ, wose day dig gi ndi yaŋ la?

Nàyre ma yoofíi togoɗ ge wo ndi yaŋ, diŋ wé wo de gii wo. Werga, ndi maŋ ge bii yaŋ go ti puuli no, ndi ɓod ge blam maarog ma de pããrege wo yaŋ ti laalen wo maga jar mani ɓin wo, jar ɓi maga doo ɓi leʼ ti ɓaara mo jo wo bii ni. Jar maga ndi ʼwũy ra go ma ɓi naa ge wo nen togoɗge ɓin yaŋ go.

Ndi wii gi ɓaŋ gloŋhwede yaŋ ga : Hã ra le go! Ndi wii gi ɓaŋ wãyban yaŋ ga : Caa waŋ ti ɓaara wa. Fer weere ɓi ma hãã hãã wo le, fer mayre ɓi maga wo wo go ti jag sir tawgen wo le, fer wosela ɓuy maga de ɗúu ɓin jage day ndi hay joŋ ne, ʼwũy ne, day kneʼn ma naa nen togoɗge ɓin go mono le.

Manwur maga ɓoʼ faage ciŋ ti maaroge, soo blam faage ciŋ ti bii ma kluuri wo, Manwur maga wo kaŋ pus durgi wo de piiri wo de jar durgi wo de blumri durgin wo jag jaw wãã ga : Á suɗ wo, hoo wo go ciŋ gà so hase. Á huɗ wo jag go doo wùu nono, á roɗ wo go doo saale ma ɓil lampa nono.

Ndi diŋ Manwuri, je ɓay ma bay ɗag no, je joŋ Israyel no, Waŋ ɓay no.