Popular Bible Verses from Avruh 10

Share

Sarei, a Mlin Eia ivr an a Musis, kavr ti a, “Pav'a asn a Veru, sena ti Kana nten nln ithua sarei m'er nlr m'ertu na m'akarienan a ti p'ev'iv'en pari lilak lera arna nahn. A ti nakm parndu ti pavr anr a natm m'er a m'hip'am al drlnar si lilil Kana nten sarei a Itsip, m'a pari lililak avtah ani, la nten sarei asnr ha, a ti kam'i pavrndu ti Kana nv'i a Mlin Eia.”

Sarei, a Mlin Eia ivr an a Musis kavr ti a, “Pah lm'am ipaviviln ipav'a eia, a ti nut ipam'alk arna v'anu a Itsip, ipav'i m'alk la m'ertu irndu ti iparni ha.” Laha, a Musis iah lm'an iviviln a nut eia, sarei m'alk istudau ima arna v'anu a Itsip napn itl. Hir ahavlela hir ml. Hir kinkin ahavp'tir kavruh arna m'lnar napn itl, v'eti arm'ertu a Isrel nut ren iter arna nut avlak.

Laha, a Musis iah napilaktan iluvn a nut a Itsip, sarei a Mlin Eia itep'a nalen itvtv dan arna Is, itvtv arna nadep' arna napn lera m'a lihat lera dav'a dav'a. Naran iv'i m'etav'aran, nalen la itvtv dan arna Is ha, iuirma tapat. Sarei, artapat lahara avtetv kavlinkar v'anu udlani a Itsip kavrap's arna nut udlani a Itsip, kavnelnal istudau. Tituei tapat ahavnelnal kavnap'i lera. Laha, ikanap'i lera ml naran kinkin.