Popular Bible Verses from Avruh 9

Share

V'eti nvrdaui, sena si lera kana nani ti kp'tir, a ti p'ev'iv'en nut huak aranam, sena ti apavvrp'ep'a nahak arna nut udlani arna nadep'.

Sarei, a Mlin Eia ivr an a Musis kavr ti a, “Pav'a asn a Veru kavr ani, kavr ti a, ‘A Mlin Eia, iv'i Atuar m'ertu a Isrel, ivr ti a, “Pam'ahu a ti arm'ertuak apavv'el a ti hir apavpata kana.

Sena ti idvr ti m'dah lm'ak aranam karph m'er m'ertuam a m'etien lil, kam'i m'tvhiris arna nadep'.

Parn, lm'an a Mlin Eia ipaier si slmam udlani al naml nar, avv'i hus m'a tuki m'a kam'el m'a pluk m'a sivsiv. Ipatu m'etien lil anr. V'eti a Mlin Eia ipatupr si slm udlani a Isrel m'a si slm udlani a Itsip. Sena si lera, si udlani iv'i nkar arm'ertu a Isrel, nki ikahmk ikahm'a.” ’ ”

Parn, m'ih ipihih naran laha, kana p'ani ti ptir ais iparsrs kanep'a sera nu. Idatu la hin naran kinkin arna nut a Itsip, naran na ap'u ier dika. Sena si lera patep'a m'ertu hilaha a ti apavtupien si slmam udlani, m'a si udlani iter av'aran al naml na si slm, sena ti m'ertu udlani m'a si slm udlani la akavuirhau eim kinkin ha, ptir ais lahara ipars aranar apavram'a.” ’ ”

Laha, ipama kav'i neiev' papa kani ti nadei iparaha m'ertu udlani m'a si slm udlani avsilv' kavtalu arna nut udlani a Itsip.” Sarei, hir arlev' tih nap' karp'tir arna nahn a Veru. Laha, a Musis issrani iv'a eia. Ima kav'i nadei itp' aranar m'ertu udlani m'a si slm udlani.