Popular Bible Verses from Kolose 3

Share

Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.

Sadhia fekihiomu sabhaha ndumandooꞌano te surugaa, koise sadhia fekihiomu ndumandooꞌano we dhunia ini.

O ae maka nehabumiu, kahadhaaꞌeomu weo kakampuu-mpuuno lalo kao-kaomo neꞌondofaomiu Ompu, suano manusiaꞌa.

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala. O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Te wawono bhahi-bhahiꞌae naꞌa pomoa-moasiꞌaoꞌomu, kapaꞌamo o kanini kaasi kanggetumo kawawe mosangkano kaseꞌisendo umati.

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

Kapaꞌamo momatemoomu maka dadi buꞌoumiu notifebunimo poowa bhe Kristus weo kaseꞌiseno bhe Lahataꞌala.

Tamaka ampa aitu ohoeꞌomu amaha, pamuhu bhe pomodai. Koise foꞌumbu, koise dua pugau tampahasa ne mie bhaimu.

Koemo popaha-pahaiꞌomu, kapaꞌamo dadi ngkodau bhe sabhaha diuno padamo ohoeꞌomu. Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

Hintimiu membalino moꞌane, moasianeomu hobhinemiu, koise noꞌosa lalomiu.

Hintimiu membalino anaꞌi, sadhia meangkaomu ne kamungkulamiu, kapaꞌamo podiu medano aitu mekaꞌiano lalono Ompu.

Hintimiu membalino hobhine, tuhuomu ne moꞌanemiu, kapaꞌamo pedamo naꞌa mantasiꞌano so mie marasaeano ne Ompu.