Popular Bible Verses from Mafunukuliko 20

Share

Ni mundu wona akolaliki lepa wakulembeka pa kitabu kya kulama, akalekaliki mu liliwa lya mwoto.

Ni nikaweni wakufwa, wakulungu ni wachoko, wayimiti pa kyene pa kitihu kya kiutwa; ni fitabu fikadinduliki; ni kitabu kingi kikadinduliki, iki kiyii kya kulama: ni wakufwa wakapauliki kipitile pa ifi filembiki pa fitabu, kwa ndingo wa makitiko gawe.

Ni nyanja yikawapeliki wakufwa wala wakayili mugati mwake; ni kifwa ni Pandu pa mahoka pakapeliki wakufwa wala wakayili mugati mwawe: ni wakapauliki ayi yoha kwa ndingo wa makitiko gawe. Ni kifwa ni Pandu pa mahoka pakalekaliki mu liliwa lya mwoto. Iki kiyii kifwa kya kawili, liliwa lya mwoto.

Ni nikaweni kitihu kikulungu kya kiutwa, ni uyu wakutama pa kila, uyu pa kyene kyake ndima ni kunani kukakimbili; ni pandu pa fila pakakolaliki lepa.

Ni pala miaka elfu yayimalakile ngani, Shetani yawopoleke kipitile pa kukungika kwake, ni yapite kuwasowesa mihuku iyi yiyii pa songo ncheche sya ndima, Gog ni Magog, kuwawunganisa pamonga kwa ngondo: wala kawalangiko kawe kayii ngati muhanga wa pa nyanja.