Popular Bible Verses from I Yohana 4

Share

Pangali woga pa kiganano: koma kiganano kyene kitaga woga kunja, ndawa woga uyii ni kuyambulisa; nu uyu ayogopa afwilanasika lepa pa kiganano.

Mwenga muyii wa Mulungu, wana wachoko, na muwahotwili: ndawa nkulungu ayii yula pa mwenga kulutila yula wa pa ndima.

Tigana ndawa yombe akatiganiti pakutumbula.

Wakuganika, tiganane: pakuya kiganano kipitile pa Mulungu: na ayi yoha uyu agana ahogoliki nu Mulungu, na ammanya Mulungu.

Uyu alema kugana alema kummanya Mulungu; ndawa Mulungu ayii kiganano.

Pa iki kiyii kiganano, si kukita tinganiti Mulungu, koma kukita yombe akatiganiti tenga, na antumiti Mwana mundu kutama wakupepesa pa mihalo ya sambi situ.

Wakuganika, wona Mulungu akatiganiti naha, tenga nati tilinganila kuganana.

Pa iki kiganano kyake Mulungu kikalasiki pa tenga, kukita Mulungu antumiti Mwana mundu wakuhogoleka wakapekape pa ndima, nausi tilame pa yombe.

Mundu wona ajowa, Ningana Mulungu, na ambipila ndongo mundu, adeta: ndawa uyu alema kungana ndongo mundu uyu ambweni, ahotola lepa kungana Mulungu uyu ambweni lepa.

Ayi yoha uyu yamfumbule Yesu kukita ayii Mwana wa Mulungu, Mulungu ahwela mwa yombe, nuyombe mwa Mulungu.

Nu luwimbi ulu tiyii nalo kuhuma pa yombe, kukita yuangana Mulungu angane ndongo mundu kawili.

Wakuganika, musiyitakila roho iyi yoha, koma mulingile roho, pangi siyii sya Mulungu: ndawa wakulweta wa mageya wa mahele walutiti mu ndima. Pa iki yamumanye Roho wa Mulungu: roho iyi yoha yila yimfumbula Yesu Kristo kukita achiti pa nyama, yiyii ya Mulungu

ni roho iyi yoha yila yimpindika Yesu yiyilepe ya Mulungu: ni yiyii yila yakumpindika Kristo, mukayufwini kukita yihicha; na haka hino yiyii mu ndima.