Popular Bible Verses from I Yohana 3

Share

Wana wangu wachoko, tisigana ni malowe, haka nu lulimi; koma ni makitiko ni fya chakaka.

Pa iki tikimanya kiganano, ndawa awikiti wumi wake pa mihalo ya tenga: na tenga tiwikeye wumi witu pa mihalo ya wayitu.

Mulolaye kugana wuli Dadi atipili tenga, kukita ngatikemaliki wana wa Mulungu: na wana wake tiyii. Kwa ndawa iyi ndima utimanya lepa, pakukita ukammanyiti lepa yombe.

yuakita sambi ayii wa diabolo; pakuya diabolo akita sambi kihumile pakutumbula. Ndawa iyi Mwana wa Mulungu akalasiki, nausi ayanange makitiko ga diabolo.

Ayi yoha uyu ahogoliki nu Mulungu akita lepa sambi, ndawa mbeyu yake yihwela mwa yombe: na ahotola lepa kukita sambi, ndawa ahogoliki nu Mulungu.

Koma uyu ayii ni fyakulamila fya ndima uwu, ni andola ndongo mundu wakuhumbusika, ni andindila lukolo lwake, kiganano kya Mulungu kihwela wuli mwa yombe?

Nu uyu agoha mimbi syake ahwela mwa yombe, nuyombe mwa yombe. Ni pa iki timanya kukita ahwela mwa tenga, pa Roho yula akatipili.

Pa iki wana wa Mulungu wawoneka, na wana wa diabolo; ayi yoha uyu akita lepa fya ugolofu ayilepe wa Mulungu, haka yualema kungana ndongo mundu.

Pakuya uwu utenga wula mukayufwini kihumile pakutumbula, kukita tiganane

Musikangacha, walongo, wona ndima uwawipila.