Popular Bible Verses from इब्रानीमन 4

Share

परमेश्‍वर केर बचन तो जिंदा आउर काम करेक वाला हेके, उ दुइयो आरा धार करल तलवाइर से हों बगरा चोखा अहे। उ आत्मा आउर प्राण, आउर काया केर जोड़, आउर गुदा तक पोंहइच जायला, आउर हमरे केर हिरदय केर सोच आउर बिचार के परखेला।

इ लगिन आवा, हमरे साहस काइर के परमेश्‍वर ठिना आवब जे किरपा से भरल अहे, ताकि परमेश्‍वर हमरे के अपन दया आउर किरपा के देखाई, आउर जब हमरे के मदइत केर जरुरत होवी तब उ हमर मदइत करी।

यीशु मसीह जे हमरे केर महापुरोहित हेके हमर सोउब कमजोरीमन के जानेला, शैतान उकर सोउब रकम से परीक्षा करलक जइसन हमरे के करेला, फिन भी उ कोनों पाप नी करलक।

आउर परमेश्‍वर केर सिरजाल केऊवे आदमी उकर से लुकल नखैं, उकर भीरे सोउब चीज खुला आउर दिस्तार अहे। हमरे अपन जिंदगी में जे कुछ करिला, उ सोउब चीजमन केर हिसाब हमरे के परमेश्‍वर ठिना देवेक होवी।

यीशु मसीह जे स्वरग तक जाय हे उ परमेश्‍वर केर बेटा हेके, आउर उ हमरे सोउब केर महापुरोहित हेके। से लगिन आवा हमरे बिसवास में मजबूत खड़ा रहब जेके हमरे सोउब केर सामने स्वीकार काइर ही।

से लगिन हमरे के उ आराम केर ठाँव में जाएक लगिन कड़ा मेहनइत करेक अहे, हमर में से केखो उमन नियर नी होवेक चाही, जेमन परमेश्‍वर केर आगया के मानेक से इनकार काइर देलैं, जब हमरे परमेश्‍वर केर आगयामन के मानब तब हें हमरे आराम केर ठाँव में जाएक पारब।