Popular Bible Verses from इब्रानीमन 3

Share

बल्कि जखनोहों तोहरे सुनाला कि पवितर किताब कहेला, “आइज केर दिन तक,” तो तोहरे हर दिन एक दोसर के बेस जिंदगी जियेक लगिन उसकाते रहा, एइसन ना होवोक कि तोहर में से केऊ आदमी पाप केर धोखा में आय के कठोर होई जाओक।

हे बिसवासी भाईमन, सावधान रहा कि तोहरेमन में एइसन बुरा आउर अबिसवासी मन ना होवोक, जे जिंदा परमेश्‍वर केर पिछे चलेक से इनकार काइर देओक।

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

तो अपन मन के कठोर ना करा, जइसन कि तोहरे केर पुरखामन परीक्षा केर समय में सुनसान ठाँवमन में परमेश्‍वर केर बिरोध में बक-झक करलैं आउर सोउब मोइर गेलैं।

हे मोर संगी बिसवासी भाईमन जेमन परमेश्‍वर केर हेका, तोहरेमन स्वरग में उकर से मिलेक लगिन बोलाल जाय हा, यीशु मसीह उपरे धेयान देवा जे हमर लगिन परमेश्‍वर केर शुभ समाचार केर दूत आउर महापुरोहित हेके।