Popular Bible Verses from PAUNAK 12

Share

Lunghihmawhna in lungkhamna piangsak a, kampau hoih in mi lungdamsak hi.

Pilna a deihte, kithuhilh ding ut uh a, kitai ding ut lohna pen haina ahi hi.

Ngaihsun lo-a kampauna in tem hiam bangin mi liamsak thei a, mipilte’ kampauna in tua bang liamna damsak thei hi.

Mihaite pen amau mah thuman kisa tawntung a, mipilte in mi’ thugenna ngai nuam uh hi.

Mihaite in a hehna uh langsakpah uh a, mipilte in a hehna uh ipzo hi.

Zi hoih pen a pasal’ minthanna le lungdamna hi a, a pasal a maizumsak zi pen a pasal a dingin a dam thei lo guhnatna tawh kibang hi.

TOPA in zuaugen mite mudah a, mi citakte tungah a lungdam hi.

Midikte in a gamtatna uh tel et a, migilote a gamtatna un lam pialsak hi.

Thuman genna kip tawntung a, thuzuau genna tomno sung bek kimang hi.