Popular Bible Verses from PAUNAK 11

Share

A cingh mite hau semsem ding a, midang a huhte in huhna mah ngahkik ding hi.

Mi pawlkhat in sum zang ziahziah napi-in hau semsem uh a, mi pawlkhat cil mahmah napi, zawng semsem hi.

Mi kiphasakte in minsiatna ngahpak ding ahih manin a hoihbekin om ding hoihzaw tham hi.

Thulamlak ding a nei lo mihingte kipuk uh a, thulamlak tampi neihna pen lungmuanna ahi hi.

Midikte a khansau a, migilote khansih hi.

Mi a gensiasiate tungah thusim kigen ngam lo a, a muanhuai mite’ tung bekah thusim kigen ngam hi.

Migi lecin nang a dingin a hoih a bawl na hi a, gilo lecin nangmahmah a kigimsak na hi bek hi.

Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

Hauhna in sih nading panin hong hu thei lo a, thumanna in na sih ding hong hu thei hi.

Midikte thumanin gamta uh a, migilote amau’ hoih lohna in susia hi.

Thu a ngaihsun thei lo numei melhoih pen vokpi muk a om kham nakbah tawh kibang lel hi.

Tawikhaina man lo a zangte TOPA in mudah a, tawikhaina man a zangte tungah TOPA lungkim hi.