Popular Bible Verses from PAUNAK 13

Share

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Pau a ki-ipzo mi in a nuntakna a hu hi a, a mawk paupau mi pen amah a kisiasak tawm ahi hi.

A ta a tai nuam lote a ta mudah hi a, a ta a itte in limtakin thuhilhin a tai hi.

Lamet tun lohna in lungsim cinasak a, deihna tangtunna pen lungdamna ahi hi.

Thumanna in midikte hu a, gitlohna pen mawhneite’ pukna ahi hi.

Ol takin hauhpakna oltak mahin kiamkik pah a, haksapi-in hauhtohna khangto semsem hi.

Hilh ding ut lo, kihihsakna in kitotna bek piangsak thei a, hong kithuhilh ding utna pen a hoihzaw ahi hi.

Midikte in a tu a tate’ luah ding gamh nei uh a, mawhneite’ neihsate ahihleh midikte a’ ding hi lel hi.

Ta pil in a pa’ hilhna mang a, a kihisak mi in a khial min pua nuam lo hi.

Thukihilhna a zui lo mi in zawnna le mindaina ngah a, thukihilhna a zui mi in minphatna le pahtawina a ngah hi.