Popular Bible Verses from JOSHUA 6

Share

Tua ciangin TOPA in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Amaute in tuutal ki sauveipi a ginsak khit uh ciangin, peengkul aw na zak phetun nakpitakin mi khempeuh awng ding uh hi. Khuapikulh cimmai ding a, mi khempeuh amau mai ciatah tangtakin khuapi sungah paisuak ding uh hi,” a ci hi.

Khuapi kimkotah galkap mi khempeuh khatvei na pai ding uh hi. Tua bangin ni guk sung na pai ding uh hi.

Siampi sagih in Thuciamna Singkuang mai-ah tuutal ki peengkul sagih tawi ding uh hi. A ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

Tu-in Israel mite’ hangin Jerikho kulhkongpi kikhakcip a, kuamah pusuak thei lo, sungtum thei lo hi.

A sagih veina-ah, siampite in peengkul a tum ciangin Joshua in mite kiangah, “Awng un; bang hang hiam cih leh TOPA in khuapi note hong piazo hi.

Khuapi le a sunga omte khempeuh pen TOPA’ tungah biakna-in kisusia ding hi. Amah in i sawl kamtaite na seel ahih manin numei paktat Rahab le ama inn sungah amah tawh a omkhawmte khempeuh bek hing ding hi.