Popular Bible Verses from KOLOSE 3

Share

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.

Vantungah a om thute ngaihsutin nei unla, leitungah a om thute ngaihsutin nei kei un.

Mite’ nasem bangin kingaihsun loin, Pasian’ nasem bangin kingaihsun unla, na sep peuhpeuh uh lungsim takpi tawh lawpin sem un.

Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un. Na kampauna, na gamtatnate khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.

Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

Note pen Khrih tawh a thokik khinte na hih manun, Pasian’ taklam a kumpi tokhom tungah Khrih a tutna mun vantung thute ngaihsutin nei un.

Note pumkhat suakin a lungdam khawm dingin Pasian in a hong sap ahih mah bangin Khrih hong piak nopsakna in note’ lungsim hong uk ta hen la, lungdamin om ta un.

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

Note a sikhin na hi uh a, note’ nuntakna pen Khrih tawh Pasian’ sungah a kiseelkhawm ahi hi.

Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

Ngeina lui le gamtatna lui khempeuh a beisakkhin na hihna uh kithei-in khatlekhat tungah zuauthu kigen nawn kei unla, ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

Pasalte aw, na zite uh it unla, amaute tungah ngongtat kei un.

Tate aw, na nu na pate uh thu man’ tawntung ding pen na Khristian nasep uh ahi hi. Tua bang thumanna in Pasian lungdamsak hi.

Zite aw, Khristiante gamtat dingin a kilawm ahih mah bangin na pasalte uh thu na mang un.