Popular Bible Verses from 2 KUMPI NIHNATE 5

Share

Syria kumpipa’ galkap a uk Naaman pen kumpipa’ maipha a ngah ulianpi khat ahi hi. Bang hang hiam cih leh TOPA in ama hangin Syria mite gualzawhna pia hi. Amah a thahat a vanglian khat hi a, ahih hangin amah a phak ahi hi.

Tua ciangin Elisha in ama kiangah kamtai khat sawlin, “Pai in la, Jordan gun sungah sagihvei va kisil in. Tua ciangin nangma cilesa a ngei hong bangkikin, nang na siang ding hi,” cisak hi.

Tua ahih ciangin Pasian mipa’ kamgen bangin amah paisukin Jordan gun sungah sagihvei kidiah hi. Tua ciangin a cilesa naupangno cilesa bangin a ngei bangkikin amah a siang hi.

Ahih hangin Naaman hehin paikhia a, “En un, amah kei kiangah hong paikhia-in, ka gei-ah hong dingin, a Pasian a TOPA’ min loin, a natna mun tungah a khut vanin, kei miphak pa hong damsak taktak ding hi, ci-in ka ngaihsun hi.

Ahih hangin a nasemte a nai-ah hong pai-in ama kiangah, “Ka topa aw, kamsangpa in na lian khat a sem dingin hong sawl hileh sem ding hi lo na hi hiam? Tua ahih ciangin amah in nang kiangah, ‘Kisil inla siang in,’ hong cih ciangin na hih ding bangzah ta-in kilawmzaw hi lo ahi hiam?” a ci uh hi.

Amah in a tonu kiangah, “Samaria-ah a om kamsangpa tawh ka topa kimu thei leh! Amah in a phakna damsak ding hi,” a ci hi.