Popular Bible Verses from 2 KUMPI NIHNATE 6

Share

Tua ciangin Elisha in thu ngenin, “TOPA aw, kong thum hi; amah in a muh theih nadingin ama mitte honsak in,” a ci hi. Tua ahih ciangin TOPA in tangvalpa’ mitte honsak a, tua ciangin amah in mu hi. En in, Elisha’ kimkot mualtung khempeuh sakolte le mei leengte tawh kidim hi.

Amah in, “Kihta kei in; bang hang hiam cih leh amaute tawh a omte sangin eite tawh a omte tamzaw hi,” a ci hi.

Pasian’ mipa’ nasempa zingsangin tho baihin a paikhiat ciangin, en in, khuapi kimkotah sakolte le leengte tawh galkap honpi na om hi. Tua ciangin nasempa in, “Ala, ka topa! Bangcih ding ihi hiam?” a ci hi.

Amah a sim dingin Syria-te hong paisuk ciangin Elisha in TOPA kiangah thu ngenin, “Hih mite mittawtna tawh vatgawp in, kong thum hi,” a ci hi. Tua ahih ciangin Elisha’ thungetna bangin amah in mittawtna tawh amaute vatgawp hi.

Tua ciangin Pasian’ mipa in, “Koi lai-ah kia ahi hiam?” a ci hi. Amah in a kiatna mun ama kiangah a lah ciangin amah in ciangkang khat khiakin tua munah lawn a, a heitang laamtosak hi.

Ahih hangin khat in singluang a tan laitakin a heitang leengin tui sungah kia hi. Amah kiko-in, “Ala, ka topa! A kikawm hi ve’n,” a ci hi.

Tua ciangin amah in, “La to in,” a ci hi. Tua ahih ciangin amah in a khut zanin a heitang a la hi.