Popular Bible Verses from 2 KUMPI NIHNATE 4

Share

Tua ciangin Elisha in tua numei kiangah, “Nang a dingin bang hong hihsak thei ding ka hi hiam? Inn sungah bang nei na hi hiam?” a ci hi. Tua ciangin amah in, “Na nasemnu in sathau biing khat cih simloh inn sungah bangmah dang nei lo hi,” a ci hi.

Tu-in kamsang honte sung pan mi khat’ zi Elisha’ tungah kiko-in, “Na nasem ka pasal si hi. Na nasempa in TOPA a zahtakna na thei hi. Ahih hangin ka tapate nih sila dingin a la dingin a leibatna pa hong pai hi,” a ci hi.

Tua ciangin amah in, “A pua-ah paikhia inla, beel hawm a tawm lua lo, na vengte khempeuh’ beel va kawm in.

Tua ciangin sungtumin, nang le na tapate kong kikhaknelh unla, hih beelte khempeuh sungah sung in. Beel khat a dim simin tuamkoih pahpah in,” a ci hi.

Beelte a dim ciangin amah in a tapa khat kiangah, “Beel dang khat hong paipih in,” a ci hi. Tua ciangin a tapa in, “Beel adang om nawn lo hi,” a ci hi. Tua ciangin sathau a luan a khawl hi.

Tua nu hong pai-in Pasian’ mipa kiangah a thu teng gen a, tua ciangin amah in, “Pai in; a sathau zuakin na leibate loh in. Nang le na tapate, a omlaite tawh na nungta ding uh hi,” a ci hi.

Tua ahih ciangin ama kiang panin tua numei paikhia-in amah le a tapate kong kikhaknelh uh hi. Amah in a sun’ laitakin a tapate in ama kiangah a beelte paipih uh hi.

Tua ciangin amah paito-in naupang’ tungah bok a, ama kam le naupang’ kam tuahin, a naupang’ mit tungah ama mitte omsak a, a naupang’ khutte tungah ama khutte omsak hi. Tua ciangin ama tungah kikhuang a, naupang a ci hong lum hi.