ॱनी खोङ्गी यरी ठीक्नलल, यरी कलुङ् ॱस्यो़क्केल्ल, यरी केच्च्य ॱनेम्बु ॱस्येत्न टोम्गेल्ल, यरी छ्यो़ छोगी लुक्चीबल धङ् यरी चयेलमल को़न यो़क्केन् बेत्। ॱनी हीगो छ्यो़ छोगी मीस्सीर् घयेक्की रोरङ्सो़ स्यप्च्यी़गी ले दी झ्यीत् छुज्ये यो़प्प धङ् ख्रीष्ट्की सी़ दी ज्यीक्तु डोज्ये यो़प्पे ढीक्ल बेत्। हुनी हज्यरङ्गी छ्य स्यक्प दीनी धङ् को़न्ज्योक्की ॱरेबी़ धो़न् थोब दीनी हज्यरङ् कुरीक्की ॱसीम् दी च्यीक्ल डोगेन् बेत्। हुनी हस्सो़त् हज्यरङ् गेम्बा ॱनोक्सम् ॱलीत् छरदङ् छ्येत्मीत् झ्युङ्न ख्रीष्ट्तङ् डमु छङ्मल ॱनोप्न युङ् छुगेन् बेत्।